ഇന്റർനാഷനൽ പ്രമോട്ടേഴ്സ് അസോസിയേഷൻ അംഗങ്ങളുടെ സംഗമം

ദുബായ് ∙ മൗറീഷ്യസ് സർക്കാർ യുഎഇയിലെ മലയാളി ബിസിനസ് നെറ്റ്‌വർക്കായ ഇന്റർനാഷനൽ പ്രമോട്ടേഴ്സ് അസോസിയേഷൻ (ഐപിഎ) അംഗങ്ങളുടെ സംരംഭക സംഗമം ദുബായിൽ സംഘടിപ്പിച്ചു.

മൗറീഷ്യസ് സാമ്പത്തിക വികസന ബോർഡും യുഎഇ മൗറീഷ്യസ് എംബസിയും നേതൃത്വം നൽകി. സംഗമത്തിൽ 40 ലധികം മൗറീഷ്യസ് വ്യവസായ പ്രമുഖരും 90 ഐപിഎ പ്രതിനിധികളും പങ്കെടുത്തു.

യുഎഇയിലെ മൗറീഷ്യസ് അംബാസഡർ എച്ച്.ഇ. ഷൗക്കത്ത്അലി സൂധുൻ ഉദ്ഘാടനം ചെയ്ത പരിപാടിയിൽ ഇക്കണോമിക് ഡെവലപ്മെന്റ് ബോർഡ് ഓഫ് മൗറീഷ്യസ് ചെയർമാൻ ഹേംരാജ് രാംനിയാൽ, ഐപിഎ ചെയർമാൻ സൈനുദ്ദീൻ ഹോട്ട്പാക്ക്, ഐഡിബി അഡ്വൈസർ അരവിന്ദ് രാധാകൃഷ്ണ, ഐ പി എ വൈസ് ചെയർമാൻ റിയാസ് കിൽട്ടൺ, മുനീർ അൽവഫാ തുടങ്ങിയവർ സംസാരിച്ചു.