ഫഹാഹീലിൽ നിന്ന് പുകയില ഉൽപ്പന്നങ്ങൾ പിടിച്ചെടുത്തു

കുവൈത്ത് സിറ്റി ∙ അൽ അഹമ്മദി ഗവർണറേറ്റിലെ സുരക്ഷാ ഉദ്യോഗസ്ഥർ ഫഹാഹീൽ മാർക്കറ്റിൽ നിന്ന് 582 പാൻമസാല പൗച്ചുകൾ പിടിച്ചെടുത്തു. നിരോധിത വസ്തുക്കൾ വിൽക്കുന്ന കടയുടമകളെ കൊമേഴ്‌സ്യൽ പ്രോസിക്യൂഷന് റഫർ ചെയ്തിട്ടുണ്ട്.

വാണിജ്യ വ്യവസായ മന്ത്രാലയത്തിന്‍റെ നേതൃത്വത്തിലാണ് ഈ പരിശോധന നടന്നത്. അൽ-അഹമ്മദി, ഹവല്ലി, ജഹ്‌റ, ഫർവാനിയ ഗവർണറേറ്റുകളിൽ വിവിധ സർക്കാർ ഏജൻസികളുടെ സഹകരണത്തോടെ വിപുലമായ പരിശോധന ക്യാംപെയ്നുകൾ നടന്നുവരുന്നതായി അധികൃതർ അറിയിച്ചു.