വേനലവധിക്കാലത്ത് ദുബായിലെ സർക്കാർ സ്ഥാപനങ്ങളുടെ പ്രവർത്തന സമയം കുറയ്ക്കുന്നു

ദുബായ് ∙ വേനലവധിക്കാലത്ത് ദുബായിലെ സർക്കാർ സ്ഥാപനങ്ങളുടെ പ്രവർത്തന സമയം കുറയ്ക്കുന്നു. ‘ഔവർ ഫ്ലെക്സിബിൾ സമ്മർ’ പദ്ധതി ദുബായിലെ 15 സർക്കാർ സ്ഥാപനങ്ങളിൽ ജോലി സമയം ഏഴ് മണിക്കൂറായി കുറയ്ക്കും. ഈ മാസം 12 മുതൽ സെപ്തംബർ 30 വരെയാണ് പദ്ധതി നടപ്പാക്കുക. ഇതിനായി പൈലറ്റ് സംരംഭം ആരംഭിക്കുന്നതായി ദുബായ് ഗവൺമെന്‍റ് ഹ്യൂമൻ റിസോഴ്‌സ് വിഭാഗം (ഡിജിഎച്ച്ആർ) പ്രഖ്യാപിച്ചു. വെള്ളിയാഴ്ചകളിലെ ജോലിയും ഇതിന്‍റെ ഭാഗമായി താൽക്കാലികമായി നിർത്തിവയ്ക്കും.