മാർബിളിനുള്ളിൽ ലഹരി കടത്താൻ ശ്രമം: 3 പേർ പിടിയിൽ

ഷാർജ ∙ മാർബിളിനുള്ളിൽ ലഹരി വസ്തുക്കൾ കടത്താൻ ശ്രമിച്ച സംഘത്തെ ഷാർജ പൊലീസ് പിടികൂടി. ദ് ഡിസ്ട്രക്ടീവ് സ്റ്റോൺ എന്ന പേരിൽ നടത്തിയ പ്രത്യേക നിരീക്ഷണത്തിലാണ് 3 പേരടങ്ങുന്ന സംഘം കുടുങ്ങിയത്.

രാജ്യത്തിനു പുറത്തുനിന്നുള്ളരാണ് ലഹരി സംഘത്തെ നിയന്ത്രിച്ചിരുന്നത്. 226 കിലോ ഹാഷിഷ്, സൈക്കോട്രോപ്പിക് പദാർഥങ്ങൾ, ലഹരി മരുന്നുകൾ എന്നിവ മാർബിളിനുള്ളിൽ ഒളിപ്പിച്ചു കടത്താനായിരുന്നു പദ്ധതി. പിടിയിലായവർ ഏഷ്യക്കാരാണെന്ന് പൊലീസ് അറിയിച്ചു. ലഹരി ഇടപാടുകളെക്കുറിച്ച് വിവരം ലഭിച്ചാൽ അറിയിക്കാൻ ഷാർജ പൊലീസിന്റെ ഫോൺ: 8004654, dea@shjpolice.gov.ae.