ജിഡിആർഎഫ്എ ഇമറാത്തി വനിതാ ദിനാചരണം

ദുബായ് ∙ ജനറൽ ഡയറക്ടറേറ്റ് ഓഫ് റസിഡൻസി ആൻഡ് ഫോറിനേഴ്സ് അഫയേഴ്സ് (ജിഡിആർഎഫ്എ) ഇമറാത്തി വനിതാ ദിനം ആഘോഷിച്ചു. യുഎഇയുടെ ആദ്യ വനിതാ ബഹിരാകാശ സഞ്ചാരി നൂറ അൽ മത്റൂഷി മുഖ്യാതിഥിയായി. ബഹിരാകാശ യാത്രയെക്കുറിച്ചുള്ള തയാറെടുപ്പുകളും വെല്ലുവിളികളും അവർ പങ്കുവച്ചു. ദുബായ് ഇമിഗ്രേഷൻ ഡിപാർട്ട്മെന്റ് മേധാവി ലഫ്. ജനറൽ മുഹമ്മദ് അഹമ്മദ് അൽ മർറി ഉദ്ഘാടനം ചെയ്തു. 

രാജ്യത്തിന്റെ വികസനത്തിൽ ഇമറാത്തി വനിതകളുടെ പങ്ക് അദ്ദേഹം എടുത്തുപറഞ്ഞു. നഖ്ർ സോഷ്യൽ ക്ലബിലെ മുതിർന്ന വനിതകളും അനുഭവങ്ങൾ പങ്കിട്ടു. വനിതാ ജീവനക്കാരെ ആദരിച്ചു.