സൗദിയിൽ ഫാക്ടറി ആരംഭിക്കാൻ ഇന്ത്യൻ ഇവി നിർമാതാക്കളായ വിസാർഡ്

റിയാദ് ∙ ഇന്ത്യൻ പങ്കാളിത്തത്തിൽ സൗദിയിൽ രണ്ട് ഇലക്ട്രിക് കാർ ഫാക്ടറികൾ വരുന്നു. ഇന്ത്യൻ ഇലക്ട്രിക് വാഹന നിർമാതാക്കളായ വേൾഡ് വിസാർഡ് ഇന്നവേഷൻസ് ആൻഡ് മൊബിലിറ്റിയാണ് സൗദി അറേബ്യയിൽ അസംബ്ലി പ്ലാന്റും  ഇലക്ട്രിക് വാഹന സെല്ലുകൾക്കായി ഫാക്ടറികളും സ്ഥാപിക്കുന്നത്.

രണ്ട്, മൂന്ന്, നാല് ചക്രങ്ങളുള്ള ഇലക്ട്രിക് വാഹനങ്ങളുടെ നിർമാണത്തിലാണ് അസംബ്ലി പ്ലാന്റ് ശ്രദ്ധ കേന്ദ്രീകരിക്കുന്നത്. ഭാവിയിൽ ഇലക്ട്രിക് ബസുകളുടെ നിർമാണം കൂടി ഉൾപ്പെടുത്താൻ പദ്ധതിയിടുന്നുണ്ട്.