വൈഎംസിഎ ഷാർജ ഓണാഘോഷവും കുടുംബസംഗമവും സംഘടിപ്പിച്ചു

ഷാർജ ∙ വൈഎംസിഎ ഷാർജയുടെ ഓണാഘോഷവും കുടുംബസംഗമവും െജബി മേത്തർ എംപി ഉദ്ഘാടനം ചെയ്തു. പ്രസിഡന്റ് അലക്സ് വർഗീസ് അധ്യക്ഷനായി. മലയാള മനോരമ ചീഫ് റിപ്പോർട്ടർ മിന്റു പി. ജേക്കബ് ഓണസന്ദേശം നൽകി. സിഎൻഐ സഭ തമിഴ് പള്ളി വികാരി റവ. സ്റ്റീഫൻ മരിയൻ, ജോൺ ഫിലിപ്പ്, ബിജോ കളീക്കൽ, ജോൺ മാത്യു ജോർജ് ജയിംസ്, മാത്തൻ ഉമ്മൻ, ഷിബി തരകൻ കെ.എൻ. രാജു, ത്രേസിയാമ്മ ജോസ് എന്നിവർ പ്രസംഗിച്ചു.  വിവിധ സ്കൂളുകളിലെ അധ്യാപകരെ ആദരിച്ചു. 

പായസ മത്സരത്തിൽ സിൻസി രാജു, ബെറ്റി ജയിംസ്, എന്നിവർ ഒന്നും രണ്ടും സ്ഥാനം നേടി.  ലേഖന മത്സരത്തിൽ ലാലി റേയ്ച്ചൽ ജോൺ, ജോർജ് മാത്യു ചെറിയത്ത് എന്നിവർ ഒന്നും രണ്ടും സ്ഥാനം നേടി. കുട്ടികളുടെ ചിത്രരചനാ മത്സരത്തിൽ ജെസ്‌ലിൻ രാജു, ആരോൺ വർഗീസ്, ആബേൽ ജോൺ ഫിലിപ്പ്, നിയ നിതിൻ എന്നിവർ ഒന്നും രണ്ടും സ്ഥാനങ്ങൾ നേടി.