വേൾഡ് മലയാളി കൗൺസിൽ ‌ഓണാഘോഷം നടത്തി

അബുദാബി ∙ വേൾഡ് മലയാളി കൗൺസിൽ അൽഐൻ പ്രോവിൻസ് വിവിധ പരിപാടികളോടെ ഓണാഘോഷം നടത്തി. ഗ്ലോബൽ വൈസ് ചെയർമാൻ വർഗീസ് പനക്കൽ ഉദ്ഘാടനം ചെയ്തു. 

പ്രോവിൻസ് പ്രസിഡന്റ് ജാനറ്റ് വർഗീസ്, ചെയർമാൻ ഡോ. സുധാകരൻ, മേഖലാ ഭാരവാഹികളായ ജോസ്, റാണി ലിജേഷ്, അഡ്വ. ബിജു ജോസഫ്, ജോയിന്റ് സെക്രട്ടറി ഡോ. സുനീഷ്, ബിജു ആന്റണി എന്നിവർ പ്രസംഗിച്ചു. മഹാബലി വരവേൽപിനു പുറമെ ചാക്യാർകൂത്ത്, തിരുവാതിര, ഓണപ്പാട്ട്, അടുക്കള നൃത്തം, വഞ്ചിപ്പാട്ട് തുടങ്ങി കലാപരിപാടികൾ അരങ്ങേറി. സെക്രട്ടറി സോണിലാൽ, വനിതാ വിഭാഗം പ്രസിഡന്റ് ഡോ. നിഷ വിജി, സെക്രട്ടറി ബിന്ദു ബോബൻ, സമീറ, ഷൈനീഷ് എന്നിവർ നേതൃത്വം നൽകി.