മലിനീകരണം: യാസ് ഐലൻഡിലെ നിർമാണം തടഞ്ഞു

അബുദാബി∙ പരിസ്ഥിതിനിയമ ലംഘനം ആവർത്തിച്ചതിനെ തുടർന്ന് യാസ് ഐലൻഡിലെ പ്രധാന പദ്ധതിയുടെ നിർമാണ പ്രവർത്തനങ്ങൾ താൽക്കാലികമായി തടഞ്ഞു. പരിസ്ഥിതി ഏജൻസിയാണ് ഇക്കാര്യം അറിയിച്ചത്.

ജലമലിനീകരണവും വെള്ളത്തിന്റെ ഗുണനിലവാരത്തിൽ മാറ്റമുണ്ടായതുമാണ് നടപടിക്കു കാരണം. നിയമം പാലിക്കുന്നുവെന്ന് ഉറപ്പാക്കാതെ നിർമാണം തുടരാൻ അനുവദിക്കില്ലെന്നും അറിയിച്ചു. പൊതുജനാരോഗ്യത്തിന് അപകടമുണ്ടാക്കിയാൽ സ്ഥാപനം അടച്ചുപൂട്ടുമെന്നും ഏജൻസി ഓർമിപ്പിച്ചു.