വേൾഡ് മലയാളി കൗൺസിൽ അബുദാബി ഓണാഘോഷം

അബുദാബി ∙ വേൾഡ് മലയാളി കൗൺസിൽ (ഡബ്ല്യുഎംസി) അബുദാബി പ്രോവിൻസ് ഓണാഘോഷം നടത്തി. ഡബ്ല്യുഎംസി എൻആർകെ ഫോറം പ്രസിഡന്റ്‌ ഇ.എ. ഹക്കീം ഉദ്ഘാടനം ചെയ്തു. 

പ്രസിഡന്റ്‌ ഷെരീഫ്, സെക്രട്ടറി ഇഗ്നിഷ്യസ്, ഷിജു പ്രിയേടം എന്നിവർ പ്രസംഗിച്ചു. തിരുവനന്തപുരം ജില്ലയിലെ  മുൻ പ്രവാസിക്ക് വീട് വച്ചുകൊടുക്കാനും വയനാട് ദുരന്തത്തിൽ ഇരയായവർക്ക് 14 വീട് വച്ചുകൊടുക്കാനുള്ള പദ്ധതിയിൽ ഭാഗമാകാനും തീരുമാനിച്ചു. 

രക്ഷാധികാരികളായി ഡോ. ജയ്പൽ ചന്ദ്രസേനൻ, ജയപ്രകാശ് എന്നിവരെ നാമനിർദേശം ചെയ്തു. ബിജു ശ്രീവരാഹം, മുഹമ്മദ്‌ ഫൈസൽ, സിബിൻ ചുനക്കര എന്നിവർ നയിച്ച ഗാനസദസ്സും ഉണ്ടായിരുന്നു.