ബൊളിവാർഡ് വേൾഡ് ഏരിയയ്ക്കുള്ള ടിക്കറ്റ് വിൽപന ആരംഭിച്ചു

റിയാദ് ∙ റിയാദ് സീസണിലെ ഏറ്റവും ജനപ്രിയമായ "ബൊളിവാർഡ് വേൾഡ്" ഏരിയയ്ക്കുള്ള ടിക്കറ്റ് വിൽപന സമാരംഭിച്ചു. റിയാദ് സീസണിലെ ടിക്കറ്റുകൾ വിൽക്കുന്നതിനായി സമർപ്പിച്ചിരിക്കുന്ന വെബ്‌ബുക്ക് പ്ലാറ്റ്‌ഫോമിലൂടെ സന്ദർശകർക്ക് ടിക്കറ്റ് കരസ്ഥമാക്കാം. ഇത്തവണ ബൊളിവാർഡ് വേൾഡ് ഏരിയുടെ വലിപ്പം  30% വർധിപ്പിച്ച്  അഞ്ച് പുതിയ സോണുകൾകൂടി ഉൾപ്പെടുത്തിയിട്ടുണ്ട്.

ഈ മാസം 13 ന് സോണിൽ പ്രദർശനം ആരംഭിക്കും. 300 റസ്റ്ററന്‍റുകളും കഫേകളും 890 ലധികം ഷോപ്പുകളും ടൂറിങ് ഷോകളും ഉൾപ്പെടെയുള്ളവയാണ് ഇത്തവണ റിയാദ് സീസണിൽ സന്ദർശകരെ കാത്തിരിക്കുന്നത്.