ചെങ്കടലിലെ ആഡംബര റിസോർട്ട് ഷെബാര നവംബറിൽ പ്രവർത്തനം ആരംഭിക്കും

ജിദ്ദ∙ ചെങ്കടലിലെ ഏറ്റവും പുതിയ ആഡംബര റിസോർട്ട് ഷെബാര നവംബറിൽ തുറക്കും. റെഡ് സീ ഗ്ലോബലിന്റെ ഉടമസ്ഥതയിലുള്ള ആദ്യത്തെ റിസോർട്ടാണ് ഷെബാര. 

ഷെബാരയെ ലോകത്തിന് മുന്നിൽ തുറന്ന് കൊടുക്കുന്നതിൽ തങ്ങൾക്ക് അതിയായ അഭിമാനമുണ്ട്.  ഈ ആഡംബര റിസോർട്ട് റെഡ് സീ ഗ്ലോബൽ സൗദി ടൂറിസത്തിന്റെ ശ്രദ്ധേയമായ നാഴികക്കല്ലാണെന്ന് റെഡ് സീ ഗ്ലോബലിന്റെ ഗ്രൂപ്പ് സിഇഒ ജോൺ പഗാനോ പറഞ്ഞു.

73 ഓവർവാട്ടറും ബീച്ച് ഫ്രണ്ട് വില്ലകളും റിസോർട്ടിൽ ഉണ്ട്.അതിമനോഹരമായ പ്രകൃതിദത്തമായ ചുറ്റുപാടുകൾക്ക് പുറമേ അത്യാധുനിക ഫിറ്റ്നസ് സെന്റർ, സ്പാ ഡൈനിങ് ഓപ്ഷനുകൾ എന്നിവയുൾപ്പെടെ പ്രീമിയം സൗകര്യങ്ങൾ ഷെബാരയിൽ ഉണ്ട്.

മെയിൻലാൻഡിൽ നിന്ന് 25 കിലോമീറ്റർ അകലെ സ്ഥിതി ചെയ്യുന്ന ഷെബാരയിൽ 30 മുതൽ 40 മിനിറ്റ് ബോട്ട് സവാരി അല്ലെങ്കിൽ റെഡ് സീ വിമാനത്താവളത്തിൽ നിന്ന് 30 മിനിറ്റ് സീപ്ലെയിൻ വിമാനം വഴി എത്തിച്ചേരാം.