റഹീമിനെ കാണാൻ ബന്ധുക്കൾ റിയാദ് ജയിലിൽ എത്തി; അകത്തേക്ക് പ്രവേശനം ലഭിച്ചത് ഉമ്മയ്ക്ക് മാത്രം

റിയാദ്∙ റിയാദ് ജയിലിൽ കഴിയുന്ന കോഴിക്കോട് കോടമ്പുഴ സ്വദേശി അബ്ദുൽ റഹീമിനെ കാണാൻ ഉമ്മ ഫാത്തിമയും സഹോദരൻ നസീറും ജയിലിലെത്തി. റിയാദ് അൽഖർജ് റോഡിലെ അൽ ഇസ്ക്കാൻ ജയിലിലാണ് ഇരുവരും എത്തിയത്. ഇന്ന് രാവിലെയാണ് ഉമ്മയും നസീറും ജയിലിൽ എത്തിയത്. 

ഉമ്മയ്ക്ക് മാത്രമാണ് ജയിലിന് അകത്തേക്ക് പ്രവേശനം അനുവദിച്ചത് എന്നാണ് വിവരം. ഒക്ടോബർ മുപ്പതിനാണ് ഉമ്മയും സഹോദരനും സൗദിയിൽ എത്തിയത്. അബഹയിലായിരുന്നു ഇരുവരും താമസിച്ചിരുന്നത്.