ആഘോഷമായി ഷീ അസോസിയേഷൻ ഫ്യൂഷൻ ഫിയസ്റ്റ

അബുദാബി ∙ വനിതാ കൂട്ടായ്മയായ ഷീ അസോസിയേഷൻ ഫ്യൂഷൻ ഫിയസ്റ്റ സീസൺ-2 സംഘടിപ്പിച്ചു. നടിയും നർത്തകിയുമായ ഷംന കാസിം ഉദ്ഘാടനം ചെയ്തു. അബുദാബി കമ്യൂണിറ്റി പൊലീസ് ഫസ്റ്റ് വാറന്റ് ഓഫിസർ ഐഷ അലി അൽ ഷാഹി മുഖ്യാതിഥിയായി.

മിസ്സി മാത്യൂസിന്റെ നേതൃത്വത്തിൽ അംഗങ്ങളുടെയും കുട്ടികളുടെയും ഫാഷൻ ഷോ നടത്തി. ഒപ്പന, മ്യൂസിക്കൽ ഡാൻസ്, പാട്ടുകൾ തുടങ്ങിയ ഒട്ടേറെ പരിപാടികൾ അരങ്ങേറി. ഗായകരായ ശ്രീനാഥ്, അമൃത സുരേഷ്, റോക്‌സ്‌റ്റാർ കൗഷിക്, കൃതിക എന്നിവർ  മ്യൂസിക്കൽ നൈറ്റിന് നേതൃത്വം നൽകി. അനുനന്ദ, ഷീ അഡ്മിൻ പാനൽ അംഗങ്ങളായ ഉദായത് ഷാൻ, സുറുമി ഷിഹാബ്, ഡോ. ഷമീമ ഷെരീഫ്, സജ്‌ന റിയാസ്, ജസ്‌ന അൻവർ, തനൂജ ഫാരിസ്, ഹുസ്ന അനീസ് എന്നിവർ പരിപാടികൾക്കു നേതൃത്വം നൽകി.