കോഴിക്കോട് സ്വദേശി കുവൈത്തിൽ അന്തരിച്ചു

കുവൈത്ത് സിറ്റി ∙ കോഴിക്കോട് താമരശ്ശേരി അടിവാരം സ്വദേശി കമ്പിയാലുമ്മൽ അബ്ദുൽ മുനീർ (48) കുവൈത്തിൽ അന്തരിച്ചു. പരേതരായ കമ്പിയാലുമ്മൽ ഉസ്സൈൻ ഖദീജ ദമ്പതികളുടെ മകനാണ്. സുഹറ ബീവിയാണ് ഭാര്യ. നാജിയ മുംതാസ്, നാഫിയ മുനീർ, മുസമ്മിൽ മക്കളും റസാഖ്, മുഹമ്മദലി, ബഷീർ സഹോദരങ്ങളുമാണ്.

മസ്തിഷ്കാഘാതത്തെ തുടർന്ന് അദാൻ ആസ്പത്രിയിൽ ചികിത്സയിലിരിക്കെയാണ് മരണം. മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ കുവൈത്ത് കെ എം സി സി യുടെ നേതൃത്വത്തിൽ നടന്നുവരുന്നു.