ബാഗ്ദാദ്, ബെയ്റൂട്ട് സർവീസ് നിയന്ത്രണം എമിറേറ്റ്സ് തുടരും

ദുബായ് ∙ ദുബായിൽനിന്ന് ബാഗ്ദാദിലേക്കുള്ള വിമാന സർവീസ് ഈ മാസം 30 വരെയും ബെയ്റൂട്ടിലേക്കുള്ള സർവീസ് ഡിസംബർ 31 വരെയും  റദ്ദാക്കിയതായി എമിറേറ്റ്സ് എയർലൈൻ അറിയിച്ചു. ഇനിയൊരു അറിയിപ്പുണ്ടാകുന്നതു വരെ ബഗ്ദാദിലേക്കുള്ള ട്രാൻസിറ്റ് യാത്രക്കാരെയും അനുവദിക്കില്ല. റദ്ദാക്കിയ വിമാനങ്ങളിൽ ടിക്കറ്റെടുത്ത യാത്രക്കാർ എയർലൈൻസുമായോ ട്രാവൽ ഏജൻസികളുയുമായോ ബന്ധപ്പെട്ട് യാത്ര പുനഃക്രമീകരിക്കണമെന്നും അധിക‍തർ ആവശ്യപ്പെട്ടു. 

അതേസമയം, ഫ്ലൈ ദുബായ് ബഗ്ദാദിലേക്ക് സർവീസ് തുടരുന്നുണ്ട്. ട്രാൻസിറ്റ് യാത്രക്കാരെയും സ്വീകരിക്കും. എന്നാൽ, യാത്രയ്ക്ക് മുൻപ് വെബ്സൈറ്റിൽ വിമാനസമയം പരിശോധിച്ച് ഉറപ്പാക്കണമെന്ന് അധികൃതർ അഭ്യർഥിച്ചു.