രാജാവിന്റെ അതിഥികളായി ആദ്യ ഉംറ സംഘമെത്തി

മദീന ∙ സൗദി ഭരണാധികാരി സൽമാൻ രാജാവിന്റെ അതിഥികളായി 250 പേരടങ്ങുന്ന ആദ്യ ഉംറ സംഘം മദീനയിൽ എത്തി. പ്രിൻസ് മുഹമ്മദ് ബിൻ അബ്ദുൽ അസീസ് രാജ്യാന്തര വിമാനത്താവളത്തിൽ ഇസ്‌ലാമികകാര്യ മന്ത്രാലയ ഉദ്യോഗസ്ഥർ തീർഥാടകരെ ഈന്തപ്പഴവും തീർഥജലവും (സംസം) അറബിക് കോഫിയും നൽകി സ്വീകരിച്ചു. 12 രാജ്യങ്ങളിൽ നിന്നുള്ള വനിതകളടക്കം 250 തീർഥാടകരാണ് എത്തിയത്.