സോഷ്യൽ ഫോറം അബുദാബി മെഗാ സ്റ്റേജ് ഷോ നടത്തി

അബുദാബി ∙ സോഷ്യൽ ഫോറം അബുദാബി മെഗാ സ്റ്റേജ് ഷോ നടത്തി. മെന്റലിസ്റ്റ് ഫാസിൽ ബഷീറിന്റെ ട്രിക്സ് മാനിയ മൈൻഡ് ആൻഡ് മ്യൂസിക് ഷോ ആയിരുന്നു മുഖ്യ ആകർഷണം. വ്യവസായി ഡോ. അബൂബക്കർ കുറ്റിക്കോൽ ഉദ്ഘാടനം ചെയ്തു. പ്രസിഡന്റ് പി.സാംസൺ, ജനറൽ സെക്രട്ടറി ഉമ്മർ നാലകത്ത്, പി.ടി.റഫീഖ്, ജലീൽ ചോലയിൽ, ഇബ്രാഹിംകുട്ടി, ശശി നടേശൻ എന്നിവർ നേതൃത്വം നൽകി.

ഗാനമേള, കോമഡി ഷോ, നൃത്തം തുടങ്ങി വിവിധ കലാപരിപാടികളും ഉണ്ടായിരുന്നു. സോഷ്യൽ ഫോറത്തിന്റെ ബിസിനസ് അച്ചീവ്മെന്റ് അവാർഡിന് വ്യവസായികളായ ഡോ. അബൂബക്കർ കുറ്റിക്കോൽ, അബ്ദുൽറഷീദ് കാഞ്ഞിരത്തിൽ, ബെന്നി ജോൺ, റഫീഖ് കയനയിൽ എന്നിവർക്ക് സമ്മാനിച്ചു. വിവിധ സംഘടനാ ഭാരവാഹികളായ ഹിദായത്തുല്ല, എ.കെ.ബീരാൻകുട്ടി, സലിംചിറക്കൽ, യേശുശീലൻ, അജാസ് അപ്പാടത്ത്, ജലീൽ ചോലയിൽ, നിദ ഹാരിസ് എന്നിവർ പ്രസംഗിച്ചു.