ജന്മദിന സമ്മാനപായ്ക്കറ്റുകളിലാക്കി കടത്താൻ ശ്രമിച്ച മയക്കുമരുന്ന് കുവൈത്ത് കസ്റ്റംസ് പിടിച്ചെടുത്തു

കുവൈത്ത്‌സിറ്റി ∙ ജന്മദിന സമ്മാന പായ്ക്കറ്റുകളിൽ ഒളിപ്പിച്ച്  രാജ്യത്തേയ്ക്ക് കടത്താൻ ശ്രമിച്ച  മയക്ക് മരുന്ന് കസ്റ്റംസ് ഉദ്യോഗസ്ഥര്‍ പിടിച്ചെടുത്തു. എയര്‍ കാര്‍ഗോ ഡിപ്പാര്‍ട്ട്‌മെന്റിലെ കസ്റ്റംസ് ഓഫിസര്‍മാരാണ് ഒരു കിലോഗ്രാം 'ഷാബു' പിടികൂടിയത്. കളിമണ്ണ് കൊണ്ട് നിര്‍മ്മിച്ച ജന്മദിന സമ്മാനങ്ങള്‍ എന്ന് ലേബല്‍ ചെയ്ത പായ്ക്കറ്റിലാണ് മയക്കുമരുന്ന് ഒളിപ്പിച്ചിരുന്നത്. 

 യൂറോപ്യന്‍ രാജ്യത്തു നിന്നും കുവൈത്തിലെ താമസക്കാരന്റെ മേല്‍ വിലാസത്തിലാണ് പാഴ്സല്‍ എത്തിയത്. സംശയം തോന്നിയതിനെ തുടര്‍ന്ന് നടത്തിയ വിശദ പരിശോധനയിലാണ് അധികൃതര്‍ മയക്ക് മരുന്ന് പിടികൂടിയത്. സംഭവത്തിൽ അന്വേഷണം  ശക്തമാക്കിയിട്ടുണ്ട്