2024 മൂന്നാം പാദം: മക്കയിലെത്തിയത് 62 ലക്ഷം പേർ

മക്ക ∙ ഈ വർഷം മൂന്നാം പാദത്തിൽ മക്കയിൽ എത്തിയ ഉംറ തീർഥാടകരുടെ എണ്ണം 62 ലക്ഷം കവിഞ്ഞു. മുൻവർഷത്തെ ഇതേ കാലയളവിനെക്കാൾ 35% കൂടുതലാണിതെന്ന് ജനറൽ അതോറിറ്റി ഫോർ സ്റ്റാറ്റിസ്റ്റിക്സ് അറിയിച്ചു. സ്വദേശികളും വിദേശികളും ഉൾപ്പെടെയുള്ള തീർഥാടകരുടെ കണക്കാണിത് (പുരുഷന്മാർ– 57.40%, വനിതകൾ– 42.60%). 

വിദേശ തീർഥാടകരുടെ എണ്ണത്തിൽ 29.2 ശതമാനവും ആഭ്യന്തര തീർഥാടകരുടെ എണ്ണത്തിൽ 42.4 ശതമാനവും വർധനയുണ്ട്. വിദേശ ടൂറിസ്റ്റുകൾ സൗദിയിൽ ചെലവഴിച്ച തുകയിലും വർധനയുണ്ട്. 2500 കോടി റിയാലാണ് മൂന്നാം പാദത്തിൽ ചെലവിട്ടത്. മുൻവർഷത്തെ ഇതേ കാലയളവിനെക്കാൾ 27.3% വർധന.