4 ബീച്ചുകളിൽ പ്രവേശനം കുടുംബങ്ങൾക്ക് മാത്രമാക്കി ദുബായ്

ദുബായ് ∙ ഈദ് അവധി ദിവസങ്ങളിൽ ജുമൈറ ബീച്ച് 2, ജുമൈറ 3, ഉം സുഖീം 1, ഉം സുഖീം 2 ബീച്ചുകളിൽ കുടുംബങ്ങൾക്കു മാത്രമായി പ്രവേശനം പരിമിതപ്പെടുത്തിയതായി ദുബായ് മുനിസിപ്പാലിറ്റി. 

കുടുംബങ്ങൾക്കു മാത്രമാക്കുന്നതോടെ ഈ ബീച്ചുകളിൽ എത്തുന്നവരുടെ എണ്ണം നിയന്ത്രിക്കാനാകും. കുടുംബങ്ങൾക്കു മാത്രമാക്കുന്നതോടെ ബീച്ചിൽ എത്തുന്നവർക്ക് സുരക്ഷിതമായി അവധി ആസ്വദിക്കാൻ കഴിയുമെന്നും മുനിസിപ്പൽ അധികൃതർ പറഞ്ഞു. 

ബീച്ചിൽ സുരക്ഷയ്ക്കായി 126 രക്ഷാ പ്രവർത്തകരെയും നിയോഗിച്ചു. കടലിൽ വീണുള്ള അപകടം ഒഴിവാക്കുന്നതിന് ഇവരുടെ സേവനം ഉപയോഗിക്കും. തിരക്ക് നിയന്ത്രിക്കാൻ 10 വീതം സെക്യൂരിറ്റി സ്റ്റാഫുകളെയും നിയോഗിച്ചു.