ടിമാരു മലയാളി അസോസിയേഷൻ ഓണാഘോഷം; ഹെലികോപ്ടറിൽ പറന്നിറങ്ങി മാവേലി

വെല്ലിങ്ടൻ ∙ ന്യൂസീലൻഡിലെ ഓണാഘോഷ പരിപാടിയിൽ പങ്കെടുക്കാൻ മാവേലി എത്തിയത് ഹെലികോപ്ടറിൽ. സെപ്റ്റംബർ 14ന് മൗണ്ടൻവ്യൂ സ്കൂൾ ഓഡിറ്റോറിയത്തിൽ ടിമാരു മലയാളി അസോസിയേഷൻ സംഘടിപ്പിച്ച ഓണാഘോഷ പരിപാടിയിലാണ് മാവേലി ഹെലികോപ്ടറിലെത്തിയത്.

ഏകദേശം 100 മലയാളി കുടുംബങ്ങളാണ് ന്യൂസീലൻഡ് സൗത്ത് ഐലൻഡിലെ ടിമാരു നഗരത്തിലുള്ളത്. മൂന്ന് മാസം മുൻപ് തന്നെ ഓണാഘോഷ പരിപാടികൾ തുടങ്ങിയിരുന്നു. കിഡ്‌സ് സ്‌പോർട്‌സ് ഡേ, ഫാമിലി ഫൺ ഡേ, ഗ്രാൻഡ് ഓണം സെലിബ്രേഷൻ ഡേ തുടങ്ങിയവ ഇതിന്റെ ഭാഗമായ് നടത്തിയിരുന്നു.