ഡാലസിൽ ഇന്ത്യൻ കോൺസുലേറ്റിന്‍റെ വീസ ക്യാമ്പ് ഒക്ടോബർ 28ന്

കോൺസുലേറ്റ് ജനറൽ ഓഫ് ഇന്ത്യ ഹൂസ്റ്റൺ സെന്റ് അൽഫോൻസ സിറോ മലബാർ കത്തോലിക്കാ പള്ളിയുടെയും മേഖലയിലെ വിവിധ ഇന്ത്യൻ കമ്മ്യൂണിറ്റി അസോസിയേഷനുകളുടെയും സഹകരണത്തോടെ ഈ മാസം 28 ന് രാവിലെ 10 മുതൽ വൈകുന്നേരം അഞ്ച് വരെ സെന്റ് അൽഫോൻസ സിറോ മലബാർ കാത്തലിക് ചർച്ച്, 200 എസ് ഹാർട്ട് റോഡ്, കോപ്പൽ, ടെക്സസ്-75019.വീസ ക്യാമ്പ് സംഘടിപ്പിക്കുന്നു 

കോൺസുലർ ക്യാമ്പിൽ പങ്കെടുക്കാൻ അപേക്ഷകർ റജിസ്റ്റർ ചെയ്യണം. വിശദാംശങ്ങൾക്ക്, http://saintalphonsachurch.org എന്ന വെബ്സൈറ്റ് സന്ദർശിക്കുക ഒസിഐ കാർഡ്, എമർജൻസി വീസ, ഇന്ത്യൻ പൗരത്വം ഉപേക്ഷിക്കൽ എന്നിവയ്‌ക്ക് അപേക്ഷിച്ചി രിക്കുന്ന ഇന്ത്യൻ വംശജരായ യുഎസ് പാസ്‌പോർട്ട് ഉടമകൾക്ക്, സ്ഥിരീകരണത്തിനായി കോൺസുലർ ക്യാമ്പിലേക്ക് അവരുടെ അപേക്ഷകൾ അനുബന്ധ രേഖകൾ സഹിതം കൊണ്ടുവരാവുന്നതാണ്.

തങ്ങളുടെ ഇന്ത്യൻ പാസ്‌പോർട്ട്, ജിഇപി, പിസിസി എന്നിവയുടെ പുതുക്കലിനായി അപേക്ഷിക്കുന്ന  ഇന്ത്യൻ പാസ്‌പോർട്ട് ഉടമകൾക്ക് സ്ഥിരീകരണത്തിനായി കോൺസുലർ ക്യാമ്പിലേക്ക് അനുബന്ധ രേഖകൾ സഹിതം അപേക്ഷകൾ കൊണ്ടുവരാവുന്നതാണ്. ഹൂസ്റ്റണിലെ കോൺസുലേറ്റ് ജനറൽ ഓഫ് ഇന്ത്യയുടെ ഉദ്യോഗസ്ഥർ അപേക്ഷകളും അനുബന്ധ രേഖകളും പരിശോധിക്കും. അപേക്ഷകർക്ക് അതിനുശേഷം ഹൂസ്റ്റണിലെ VFS-ലേക്ക് അപേക്ഷകൾ അയയ്ക്കാം.

NORI, PCC എന്നിവ ഒഴികെയുള്ള ഇന്ത്യൻ പാസ്‌പോർട്ട് ഉടമകൾക്ക് വിവിധ സേവനങ്ങളും കോൺസുലേറ്റ് ക്യാമ്പിൽ നൽകും.

പാസ്‌പോർട്ട് പുതുക്കൽ, വീസ, ഒസിഐ എന്നിവയൊന്നും തത്സമയം നൽകുന്നില്ലെന്നത് ശ്രദ്ധിക്കുക.

ഇതൊരു സ്പെഷ്യൽ ഡ്രൈവ് ആയതിനാൽ, ഇന്ത്യൻ പൗരന്മാർക്കും ഇന്ത്യൻ വംശജർക്കും ഈ അവസരം പ്രയോജനപ്പെടുത്തുകയും ഹൂസ്റ്റണിലെ കോൺസുലേറ്റ് ജനറലിലെ ഉദ്യോഗസ്ഥരെ കാണുകയും ചെയ്യാം.

കൂടുതൽ വിവരങ്ങൾക്കു. എ പി  ഹരിദാസ് 972 835 9810