ഗാനരചയിതാവ് സിജു വി ജോർജിനെ ഭരതകലാ തിയേറ്റർ അനുമോദിച്ചു

ഡാലസ്∙ അമേരിക്കയിൽ ഉടനീളം പ്രദർശനം നടത്തിവരുന്ന  ഭരതകലാ തിയേറ്റർ അവതരിപ്പിക്കുന്ന ജനപ്രിയ നാടകം എഴുത്തച്ഛൻ  പ്രേക്ഷകരുടെ ആവശ്യപ്രകാരം രണ്ടാമതും നവംബർ 12  ഞായറാഴ്ച വൈകീട്ട് ഡല്ലാസിലെ സെന്റ് മേരീസ് വലിയപള്ളി ഓഡിറ്റോറിയത്തിൽ  അവതരിപ്പിച്ചു.  പ്രശസ്ത സാഹിത്യകാരൻ സി രാധാകൃഷ്ണൻ എഴുതിയ നോവലിൽ നിന്നും എഴുത്തച്ഛന്‍റെ ജീവിത കഥയെ ആസ്പദമാക്കി സന്തോഷ് പിള്ള, ഹരിദാസ് തങ്കപ്പൻ, ജയ മോഹനൻ എനിവർ ഒരുക്കിയ എഴുത്തച്ഛൻ എന്ന ദൃശ്യ ആവിഷ്കാരം അതിമനോഹരമായി അമേരിക്കൻ മലയാളികളുടെ മുൻപിൽ അവതരിപ്പിച്ചത് തിങ്ങി നിറഞ്ഞ നാടക പ്രേമികളുടെ അഭിനന്ദനങ്ങൾ നേടിയെടുത്തു .

മുഖ്യാതിഥിയായ കേരളത്തിൽ നിന്നും എത്തിയ മാധ്യമപ്രവർത്തകൻ   പി ജയകുമാർ, സമയബന്ധിതമായി അച്ചടക്കത്തോടുകൂടി മലയാളത്തിന്‍റെ തുഞ്ചത്തെഴുത്തച്ഛന്‍റെ ജീവിതാവിഷ്കരണത്തിന് തിരക്കിനിടയിലും ഈ സമയം കണ്ടുപിടിച്ച മുന്നണിയിലും പിന്നണിയിലും പ്രവർത്തിച്ച അമേരിക്കൻ മലയാളികളെ അനുമോദിച്ചു . തിരുവന്തപുരത്തെ നാടക അക്കാദമിയിൽ ഈ നാടക അവതരണം അത്യാവശ്യമാണെന്നും അതിനാവശ്യമായ എല്ലാ സൗകര്യങ്ങളും ഒരുക്കാമെന്നു സെക്രട്ടറി എന്ന നിലയിൽ ഉറപ്പു നൽകുകയും ചെയ്തു. നാടകത്തിന്റെ ക്ലൈമാക്സ് രംഗങ്ങളിൽ തുഞ്ചത്തെഴുത്തച്ഛൻ അനുഭവിച്ച ജീവിത ത്യാഗങ്ങളെ ഹൃദയ സ്പർശിയായ ഗാനത്തിലൂടെ അവതരിപ്പിച്ചു. 

 എഴുത്തച്ഛൻ നാടകത്തിന്റെ മികവ് വർധിപ്പിച്ച ഗാന രചിയിതാവ്  ഇന്ത്യ പ്രസ് ക്ലബ് ഓഫ് നോർത്ത് ടെക്‌സസ് പ്രസിഡന്റും ഡാലസ്സിലെ സംമൂഹ്യ സാംസ്കാരിക പ്രവർത്തകനും നിരവധി കവിതകളുടെ രചിയിതാവുമായ  സിജു  വി ജോർജിനെ അമേരിക്കൻ മലയാളിയും പ്രശസ്ത മലയാള സിനിമാ  സീരിയൽ നിർമ്മിതാവും സംവിധായകനുമായ ഷാജി എം അനുമോദിച്ചു