ഫോർട്ട് വർത്ത് എലിമെന്ററി സ്കൂൾ പ്രിൻസിപ്പൽ ലീ ആൻ റോമർ അന്തരിച്ചു

ഫോർട്ട് വർത്ത് ∙ നോർത്ത് ഫോർട്ട് വർത്ത് എലിമെന്ററി സ്കൂളിലെ പ്രിൻസിപ്പൽ ലീ ആൻ റോമർ അന്തരിച്ചു.  ഞായറാഴ്ച മെഡിക്കൽ അടിയന്തരാവസ്ഥയെ തുടർന്ന് മരിച്ചതായി നോർത്ത് വെസ്റ്റ് സ്കൂൾ ഡിസ്ട്രിക്റ്റ് അറിയിച്ചു. മരണത്തെക്കുറിച്ചുള്ള കൂടുതൽ വിശദാംശങ്ങൾ വെളിപ്പെടുത്തിയിട്ടില്ല. ഹാസ്‌ലെറ്റിന് സമീപമുള്ള സെൻഡേര റാഞ്ചിലെ ജെസി തോംസൺ എലിമെന്ററിയിൽ 12 വർഷമായി പ്രിൻസിപ്പലായി സേവനമനുഷ്ഠിക്കുകയായിരുന്നു ലീ ആൻ റോമർ. 'വിദ്യാർത്ഥികളെയും അധ്യാപകരെയും സമൂഹത്തെയും പൂർണ്ണഹൃദയത്തോടെ പരിപാലിക്കുന്ന ഒരാളായി എക്കാലവും ഡോ. റോമർ ഓർമ്മിക്കപ്പെടുമെന്ന്' സ്കൂളിന്റെ സൂപ്രണ്ട് മാർക്ക് ഫൗസ്റ്റിന് തന്റെ  ഫേസ്ബുക്ക് പേജിൽ കുറിച്ചു. റോമറിന് ഭർത്താവും രണ്ട് കുട്ടികളുമുണ്ട്.