ഡാലസ് സൗഹൃദവേദിയുടെ ഓണാഘോഷം സെപ്റ്റംബർ 7ന്

ഡാലസ് ∙ ഡാലസിലെ സാമൂഹിക സാംസ്‌കാരിക സംഘടനയായ സൗഹൃദവേദിയുടെ പതിനൊന്നാമത് ഓണാഘോഷം വിവിധ പരിപാടികളോട് സെപ്റ്റംബർ 7  രാവിലെ 10 മണിക്ക് കരോൾട്ടൻ സെന്‍റ് ഇഗ്നേഷ്യസ് ഓഡിറ്റോറിയത്തിൽ (2707 Dove Creek Ln, Carrollton, Tx 75006) വെച്ച് നടത്തപ്പെടും. ചടങ്ങിൽ പ്രമുഖ ചലച്ചിത്ര ഗാനരചയിതാവ് ജോപോൾ  മുഖ്യാതിഥി പങ്കെടുക്കും. ഫിലിപ്പ് തോമസ് സി.പി.എ, ഷിജു ഏബ്രഹാം എന്നിവർ ആശംസകൾ നൽകും.  

താലപ്പൊലി, ചെണ്ടമേളം, മഹാബലിയെ വരവേൽപ്പ്, ഓണപ്പാട്ട്, വിവിധതരം നൃത്തങ്ങൾ, തിരുവാതിര, ഗാനങ്ങൾ, വിഭവ സമൃദ്ധമായ ഓണസദ്യ എന്നിവകളാൽ ഈ വർഷത്തെ ഓണം വളരെ മനോഹരമായി ആഘോഷിക്കുമെന്ന് സംഘാടകർ പറഞ്ഞു.  ഓണാഘോഷത്തിലേക്ക് ഏവരെയും ക്ഷണിക്കുന്നതായി സൗഹൃദവേദിയുടെ പ്രസിഡന്‍റ് അജയകുമാർ, സെക്രട്ടറി സജി കോട്ടയാടിയിൽ, ട്രഷറാർ ബാബു വർഗീസ് എന്നിവർ അറിയിച്ചു.