യുഎസിൽ സെപ്റ്റംബർ 30 വരെ സൗജന്യ കോവിഡ് ടെസ്റ്റുകൾക്ക് ഓർഡർ നൽകാം

വാഷിങ്ടൻ ∙ യുഎസിൽ സെപ്റ്റംബർ 30 വരെ സൗജന്യ കോവിഡ് ടെസ്റ്റുകൾക്കുള്ള കിറ്റ് ഓർഡർ ചെയ്യാം. സൗജന്യ കോവിഡ് ടെസ്റ്റ് പ്രോഗ്രാം പുനരാരംഭിക്കുന്നതായ് യുഎസ് ഡിപ്പാർട്ട്‌മെന്റ് ഓഫ് ഹെൽത്ത് ആൻഡ് ഹ്യൂമൻ സർവീസസ് (എച്ച്എച്ച്എസ്)  കഴിഞ്ഞ മാസം  അറിയിച്ചിരുന്നു. 

തുടർച്ചയായി മൂന്നാം വർഷമാണ് സൗജന്യമായി കോവിഡ്-19 ഓവർ-ദി-കൗണ്ടർ ടെസ്റ്റുകൾ ഓർഡർ ചെയ്യാൻ സാധിക്കുന്നത്. COVID.gov/tests എന്ന വെബ്സൈറ്റിലൂടെ ടെസ്റ്റുകൾ ഓർഡർ ചെയ്യാം. ഹോം ടെസ്റ്റുകളെക്കുറിച്ചുള്ള കൂടുതൽ വിശദാംശങ്ങൾ വെബ്സൈറ്റിൽ ലഭ്യമാണ്.