ഷിക്കാഗോ സെന്‍റ് മേരീസ് ക്നാനായ കത്തോലിക്കാ പള്ളിയിൽ വിശുദ്ധ വിൻസന്‍റ് ഡി. പോളിന്‍റെ തിരുനാൾ ആഘോഷിച്ചു

ഷിക്കാഗോ ∙ ഷിക്കാഗോ സെന്‍റ് മേരീസ് ക്നാനായ കത്തോലിക്കാ ഇടവകയിൽ വിശുദ്ധ വിൻസന്‍റ് ഡി. പോളിന്‍റെ തിരുനാൾ ആഘോഷിച്ചു. ഇടവകയിലെ വിൻസന്‍റ് ഡി. പോൾ  സൊസൈറ്റി അംഗങ്ങളാണ് തിരുനാളിന് പ്രസുദേന്തിമാരായത്. ഇടവക വികാരി റവ.ഫാ. സിജു മുടക്കോടിൽ തിരുനാൾ കർമങ്ങൾക്ക് മുഖ്യ കാർമികത്വം വഹിച്ചു. 

റവ.ഫാ. സിജു മുടക്കോടിൽ സന്ദേശം നൽകി. വിൻസന്‍റ് ഡി. പോൾ സൊസൈറ്റിയുടെ ആഭിമുഖ്യത്തിൽ സ്നേഹവിരുന്നോടെയാണ് തിരുനാൾ സമാപിച്ചത്. തിരുനാളിന് വിൻസന്‍റ് ഡി. പോൾ സൊസൈറ്റി അംഗങ്ങളോടൊപ്പം സാബു കട്ടപ്പുറത്തിന്‍റെ നേതൃത്വത്തിലുള്ള കൈക്കാരൻമാരും പാരിഷ് കൗൺസിൽ അംഗങ്ങളും നേതൃത്വം നൽകി.