ഗീതാമണ്ഡലത്തിൽ മണ്ഡല-മകരവിളക്ക് ഉത്സവത്തിന് തുടക്കം

ഷിക്കാഗോ ∙ ഷിക്കാഗോ ഗീതാമണ്ഡലത്തിൽ ഈ വര്‍ഷത്തെ മണ്ഡല-മകരവിളക്ക് ഉത്സവം കൊടിയേറി. ഗണപതിക്ക് വിശേഷാല്‍ പൂജകളോടെയാണ് ഈ വര്‍ഷത്തെ മണ്ഡല പൂജകള്‍ ആരംഭിച്ചത്. തുടര്‍ന്നു വൈകിട്ട് നാല് മണിക്ക് അയ്യപ്പ സ്വാമിയുടെ നട തുറന്നു ദീപാരാധന നടത്തി. അന്നദാനവും നടന്നു.  

മണ്ഡല കൊടിയേറ്റ് പൂജകള്‍ക്ക് മേൽശാന്തി കൃഷ്ണൻ ചെങ്ങണാംപറമ്പിൽ സ്വാമികള്‍ നേതൃത്വം നല്‍കി. രവി ദിവാകരന്‍ സഹകാർമികത്വം വഹിച്ചു. കൊടിയേറ്റ് മഹോത്സവങ്ങള്‍ക്ക് പ്രോഗ്രാം കോര്‍ഡിനേറ്റര്‍ പ്രജീഷ് ഇരുത്തറമല്‍ നേതൃത്വം നല്‍കി. അയ്യപ്പ പൂജയോടൊപ്പം നടന്ന ഭജനകള്‍ക്ക് ഗീതാമണ്ഡലം ഭജനമണ്ഡലി നേതൃത്വം നൽകി. രവി നായരും കുടുംബവും, രവി രാജയും കുടുംബവുമാണ് കൊടിയേറ്റ് ഉത്സവം സ്‌പോണ്‍സര്‍ ചെയ്തത്. 

ഗീതാമണ്ഡലം പ്രസിഡന്റ് ആനന്ദ് പ്രഭാകരും സാഹിത്യകാരൻ രാധാകൃഷ്ണൻ നായരും സംസാരിച്ചു. ജനറല്‍ സെക്രട്ടറി ബൈജു എസ്. മേനോന്‍ എല്ലാവർക്കും നന്ദി അറിയിച്ചു.