ഡാലസിലെ മക്കിന്നി അപ്പാർട്ട്‌മെന്റ് സമുച്ചയത്തിലെ വെടിവെയ്പിൽ 2 മരണം, 2 പേർ അറസ്റ്റിൽ

ഡാലസ് ∙ മക്കിന്നി അപ്പാർട്ട്‌മെന്റ് സമുച്ചയത്തിൽ നടന്ന വെടിവെയ്പിൽ രണ്ട് പേർ മരിച്ചു, രണ്ട് പേർ അറസ്റ്റിൽ. നോർത്ത് മക്ഡൊണാൾഡ് സ്ട്രീറ്റിലെ 3300 ബ്ലോക്കിലെ അപ്പാർട്മെന്റ് സമുച്ചയത്തിൽ ബുധനാഴ്ച രാത്രി 8 മണിയോടെയാണ് സംഭവം നടന്നതെന്ന് പൊലീസ് വ്യക്തമാക്കി. കോംപ്ലക്‌സിൽ പാർക്ക് ചെയ്തിരുന്ന ഡോഡ്ജ് പിക്കപ്പ് ട്രക്കിലെ യാത്രക്കാരന്റെ സമീപത്തേക്ക് ഒരാൾ എത്തിയതിന് തൊട്ടുപിന്നാലെയാണ് വെടിവെയ്പ് നടന്നത്. ഏറ്റുമുട്ടലിൽ രണ്ട് പേർക്ക് പരിക്കേറ്റു.

ട്രക്ക് ഡ്രൈവർ പരുക്കേറ്റ പ്രിൻസ്റ്റൺ (20) എന്ന യാത്രക്കാരനെ മെഡിക്കൽ സിറ്റി മക്കിന്നിയിലേക്ക് എത്തിക്കുകയും ചെയ്തു. പരുക്കേറ്റ രണ്ടുപേരും പിന്നീട് മരിച്ചു. ഇവരുടെ പേരുവിവരങ്ങൾ ഇതുവരെ പുറത്തുവിട്ടിട്ടില്ല.

സംഭവവുമായി ബന്ധപ്പെട്ട് പിക്കപ്പ് ഡ്രൈവർ ആയ 21 കാരൻ ക്രിസ്റ്റഫർ പെരസ്, ആശുപത്രിയിൽ ഉണ്ടായിരുന്ന 18 കാരൻ ജോസ് മെജിയ എന്നിവരെ പൊലീസ് അറസ്റ്റ് ചെയ്തു, രണ്ട് പേരുടെ മരണവുമായി ബന്ധപ്പെട്ട് ഇരുവർക്കുമെതിരെ. കൊലപാതകക്കുറ്റം ചുമത്തുകയും കോളിൻ കൗണ്ടി ഡിറ്റൻഷൻ ഫെസിലിറ്റിയിൽ റജിസ്റ്റർ ചെയ്യുകയും ചെയ്തതായി പൊലീസ് പറഞ്ഞു.