ഈ ലക്ഷണങ്ങൾ പ്രമേഹ ന്യൂറോപ്പതിയുടേതാകാം; ഗുരുതരമാകുന്നതിനു മുൻപ് ചികിത്സ തേടാം

ഏറ്റവും കൂടുതൽ കാണപ്പെടുന്ന ന്യുറോപ്പതിയാണ് ഡയബറ്റിക് ന്യൂറോപ്പതി.  ഇത് പ്രമേഹ രോഗികളിൽ പകുതിയോളം പേരെ ബാധിച്ചേക്കാവുന്ന ഒന്നാണ്. ചിലർക്ക് ഇത് മിതമായേ ബാധിക്കാറുളളു, പക്ഷേ പലർക്കും  ഇതു സ്വയം പരിമിതപ്പെടുത്തുന്നതോ അല്ലെങ്കിൽ വിട്ടുമാറാത്ത വേദനയായോ ഒക്കെ അനുഭവപ്പെടാം. അതുകൊണ്ടുതന്നെ ഇതിന്റെ ശരിയായ രോഗനിർണയത്തിന് സമഗ്രമായ , ക്ലിനിക്കൽ, ന്യൂറോളജിക്കൽ പരിശോധനകൾ ആവശ്യമാണ്. ന്യൂറോപ്പതിയുണ്ടാക്കുന്ന മറ്റു അസുഖങ്ങൾ ഇല്ല എന്നും ഉറപ്പാക്കേണ്ടതുണ്ട്.

 

പ്രമേഹ ന്യൂറോപ്പതി നിയന്ത്രിക്കാം

അനിയന്ത്രിതമായ പ്രമേഹത്തിന്റെ ഗുരുതരമായ സങ്കീർണതയാണ് പ്രമേഹ ന്യൂറോപ്പതി. ഉയർന്ന ബ്ലഡ് ഷുഗർ നിങ്ങളുടെ ശരീരത്തിലുടനീളമുള്ള നെർവ് ഫൈബറുകളെ കാലക്രമേണ നശിപ്പിക്കും.

ഞരമ്പുകൾക്ക് വേണ്ടത്ര രക്തം ലഭിക്കാത്ത പ്രതിഭാസം -  ന്യൂറോണൽ ഇസ്കെമിയ (Neuronal Ischemia) പ്രമേഹ ന്യൂറോപ്പതിയുടെ ഒരു സ്വഭാവവിശേഷമാണ്. ഉയർന്ന അളവിലുള്ള ഗ്ലൂക്കോസിന്റെ അളവ് ഞരമ്പുകൾക്ക് നേരിട്ട് ആഘാതം സൃഷ്ടിച്ചേക്കാവുന്നതുമാണ്. പ്രമേഹ ന്യൂറോപ്പതിയിൽ കലാശിച്ചേക്കാവുന്ന മൈക്രോവാസ്കുലർ അവസ്ഥകൾക്ക്  ( microvascular events) പുറമേ ഞരമ്പുകൾ വിതരണം ചെയ്യുന്ന ചെറിയ രക്തക്കുഴലുകൾ ( Vasa Nervosa) പരിക്ക് മൂലമാണ് ഈ അവസ്ഥകൾ ഉണ്ടാകുന്നത്. 

 

 പ്രമേഹ പെരിഫറൽ ന്യൂറോപ്പതിയുടെ ലക്ഷണങ്ങൾ (ബാധിച്ച ഞരമ്പുകളെ ആശ്രയിച്ച്)

∙ തരിപ്പ് 

∙ മരവിപ്പ് (തീവ്രമായതോ അല്ലെങ്കിൽ ദീർഘകാലമായുള്ളതോ ആയ മരവിപ്പ് , പിന്നെ സ്ഥിരമായെന്നു വരാം)

∙ പുകച്ചിൽ എടുക്കുന്നപോലെയുള്ള പ്രതീതി (പ്രത്യേകിച്ചും വൈകുന്നേരങ്ങളിൽ)

∙ വേദന 

പാദങ്ങളിൽ ഞരമ്പുകൾ തകരാറിലാകുന്നത് കാൽ‌ സംവേദനം നഷ്‌ടപ്പെടുന്നതിനിടയാക്കും. സംവേദനത്തിന്റെ അഭാവം മൂലം കാലിലെ പരിക്കുകളും വ്രണങ്ങളും തിരിച്ചറിയാൻ കഴിയാതെ വരും. 

ചില ആളുകളിൽ ഈ ലക്ഷണങ്ങൾ തീവ്രത കുറഞ്ഞായിരിക്കും കാണപ്പെടുക; എന്നാൽ മറ്റുള്ളവർക്ക്, പ്രമേഹ ന്യൂറോപ്പതി വളരെ വേദനാജനകവും വിഷമകരവുമാകും. അവരെ കർമരഹിതരാക്കാം.

പെരിഫെറൽ ന്യൂറോപതിയുടെ സങ്കീര്‍ണതകൾ കുറയ്ക്കാം

(വേണ്ടി വന്നാൽ ഒരു പാദ വിദഗ്ധനെ സന്ദർശിക്കുക)

∙ കാലും കാൽപാദങ്ങളും ദിവസേന പരിശോധിക്കുക.

∙ പാദങ്ങൾ വരണ്ടതാണെങ്കിൽ ലോഷൻ പുരട്ടുക.

∙ നഖങ്ങളുടെ പരിചരണം നിർബന്ധമാക്കുക 

∙ ശരിയായി യോജിക്കുന്ന പാദരക്ഷകൾ ധരിക്കുക, കാലിന് പരിക്കേൽക്കാതിരിക്കാൻ എല്ലായ്പ്പോഴും അവ ധരിക്കുക.

 

ഇനി പറയുന്ന ലക്ഷണങ്ങളെ സൂക്ഷിക്കാം:

∙ കാഴ്ച്ചയിൽ ഉണ്ടാവുന്ന മാറ്റങ്ങൾ 

∙ സന്തുലിതാവസ്ഥയിൽ വരുന്ന പ്രശ്നങ്ങൾ

∙ Dysesthesia (ശരീരഭാഗത്തിന് സംഭവിക്കുന്ന അസാധാരണമായ സംവേദനം)

∙ അതിസാരം (Diarrhoea)

∙ ഉദ്ധാരണക്കുറവ് ( Impotence), രതിമൂർച്ഛയിലെത്താൻ ബുദ്ധിമുട്ട്-  അനോർഗാസ്മിയ (Anorgasmia), റിട്രോഗ്രേഡ് ഇജാക്കുലേഷൻ (പുരുഷന്മാരിൽ), അമിതമായ മൂത്രശങ്ക അഥവാ Urinary Incontinence (മൂത്രസഞ്ചിയുടെ നിയന്ത്രണം നഷ്ടപ്പെടുന്നു)

∙ മുഖം, വായ, കൺപോളകൾ എന്നിവ തൂങ്ങി പോവുന്നു, പേശികളുടെ ബലഹീനത, വിഴുങ്ങാൻ ബുദ്ധിമുട്ട്, സംസാര ശേഷി  കുറയുക എന്നിവയും സംഭവിക്കുന്നു.

∙ Fasciculation (പേശികളുടെ സങ്കോചങ്ങൾ)

പ്രമേഹമുള്ള ആർക്കും ന്യൂറോപ്പതി ഉണ്ടായെന്നു വരാം, എന്നാൽ ഈ ഘടകങ്ങൾ നിങ്ങളെ നാഡികളുടെ തകരാറിന് ഇടയാകുന്നു. മറ്റ് അപകടകരമായ ഘടകങ്ങൾ എന്തൊക്കെയെന്ന് നോക്കാം.

∙ നാഡികളുടെ തകരാറുൾപ്പെടെയുള്ള പ്രമേഹത്തിന്റെ എല്ലാ സങ്കീർണതകൾക്കും ഏറ്റവും വലിയ അപകടസാധ്യത ഘടകമാണ് രക്തത്തിലെ പഞ്ചസാര നിയന്ത്രണം.

∙ നിങ്ങളുടെ രക്തത്തിലെ പഞ്ചസാരയുടെ അളവ്  നന്നായി നിയന്ത്രിക്കപ്പെടുന്നില്ലെങ്കിൽ പ്രമേഹ ന്യൂറോപ്പതിയുടെ അപകടസാധ്യത കാര്യമായി തന്നെ വർധിച്ചുവന്നേക്കാം.

∙ പ്രമേഹം വൃക്കകൾക്ക് നാശമുണ്ടാക്കാം, ഇത് രക്തത്തിലെ വിഷവസ്തുക്കളെ വർധിപ്പിക്കുകയും നാഡികളുടെ തകരാറിന് കാരണമാവുകയും ചെയ്യും.

∙ ബോഡി മാസ് സൂചിക ( BMI) 24 ൽ കൂടുതലുള്ളത് പ്രമേഹ ന്യൂറോപ്പതി വരാനുള്ള സാധ്യത വർധിപ്പിക്കും.

∙ പുകവലി നിങ്ങളുടെ ധമനികളെ സങ്കുചിതമാക്കുകയും കഠിനമാക്കുകയും ചെയ്യുന്നു, ഇത് നിങ്ങളുടെ കാലുകളിലേക്കുള്ള രക്തയോട്ടം കുറയ്ക്കുന്നു. ഇത് മുറിവുകളെ സുഖപ്പെടുത്തുന്നത് കൂടുതൽ പ്രയാസകരമാക്കുകയും പെരിഫറൽ ഞരമ്പുകളുടെ സമഗ്രതയെ നശിപ്പിക്കുകയും ചെയ്യുന്നു.

 

ചികിത്സ 

∙ കാലക്രമേണ പ്രമേഹത്തെ നന്നായി നിയന്ത്രിക്കുന്നത് പ്രമേഹ ന്യൂറോപ്പതിയെ ചികിത്സിക്കുന്നതിനുള്ള താക്കോലാണ്. ന്യൂറോപ്പതിക്ക് ചികിത്സയൊന്നുമില്ല, പക്ഷേ നിങ്ങളുടെ രക്തത്തിലെ പഞ്ചസാരയെ ടാർഗെറ്റ് പരിധിയിൽ സൂക്ഷിക്കുന്നത് രോഗലക്ഷണങ്ങൾ കുറയ്ക്കുകയും അവ വഷളാകുന്നത് തടയുകയും ചെയ്യും.

∙ വേദന കുറയ്ക്കുവാനായി ചില പ്രത്യേക  വേദന സംഹാരികൾ അല്ലെങ്കിൽ ക്രീമുകൾ  ഉപയോഗിക്കാവുന്നതാണ്. വിഷാദരോഗത്തിന് ചികിത്സിക്കാൻ ഉപയോഗിക്കുന്ന മരുന്നുകളായ ട്രൈസൈക്ലിക് ആന്റീഡിപ്രസന്റ്സ് (Tricyclic Antidepressants), മറ്റ് ആന്റീഡിപ്രസന്റ് മരുന്നുകൾ,  Fits നിയന്ത്രിക്കുന്ന മരുന്നുകൾ എന്നിവ ഇതിൽ ഉൾപ്പെടാം. ഏത് മരുന്നാണ്, ഏത് അളവിൽ കഴിക്കണം എന്നത് ഓരോ വ്യക്തിക്കും വ്യത്യസ്തമാണ്.  ഇത് കർശനമായി ന്യൂറോ സ്പെഷലിസ്റ്റിന്റെയും പ്രമേഹ വിദഗ്ധന്റെയും മേൽനോട്ടത്തിൽ മാത്രമേ  എടുക്കാവൂ. 

ആളുകൾ ചിലപ്പോൾ ഗൂഗിളിൽ തിരയുകയും വിഷാദം / ഫിറ്റ് എന്നിവയ്ക്കുള്ള മരുന്നുകൾ ന്യൂറോപ്പതിക്ക് തെറ്റായി നൽകിയിട്ടുണ്ടെന്ന് സ്വയം തീരുമാനിക്കുകയും ചെയ്യുന്നു. അതിനാൽ ഈ മരുന്നുകൾ ഉപദേശപ്രകാരം എടുക്കില്ല, അതിനാൽ ശരിയായ ചികിത്സയുടെ അഭാവം കാരണം വളരെക്കാലം വേദന അനുഭവിക്കേണ്ടിവരുന്നു.

ഈ മരുന്നുകളുടെ ന്യൂറോപ്പതി അളവ് , അതിന്റെ മറ്റ് സൂചനകളിൽ നിന്ന് വ്യത്യസ്തമാണെന്ന്  മനസ്സിലാക്കണം. കൂടാതെ ഈ മരുന്നുകൾ തൃപ്തികരമായ ആശ്വാസം ഉണ്ടാക്കാൻ വളരെയധികം സമയമെടുക്കും.

∙ അക്യൂപങ്‌ചർ‌, ബയോഫീഡ്‌ബാക്ക് പോലുള്ള കോംപ്ലിമെന്ററി ചികിത്സകൾ പരീക്ഷിക്കാം.

∙ വ്യായാമങ്ങൾ, സ്ട്രെച്ചിങ്, മസാജ് എന്നിവ പോലെയുള്ള ഫിസിക്കൽ തെറാപ്പികൾ പരീക്ഷിക്കാം. ചൂടോ ഐസോ എന്നിവ  ശ്രദ്ധിച്ചു മാത്രം ഉപയോഗിക്കുക. ന്യൂറോപ്പതി  താപനിലയിലുളള മാറ്റങ്ങൾ  മനസിലാക്കുന്നതു ബുദ്ധിമുട്ടാക്കും. ട്രാൻസ്ക്യുട്ടേനിയസ് ഇലക്ട്രിക്കൽ നാഡി ഉത്തേജനം (TENS), ചർമത്തിലെ നാഡി അറ്റങ്ങളിൽ വൈദ്യുതിയുടെ ഹ്രസ്വമായ പൾസ് പ്രയോഗിച്ച് വേദന കുറയ്ക്കുന്ന ഒരു തരം തെറാപ്പിയാണ്.

ഓർത്തുവയ്ക്കുക

പ്രമേഹ ന്യൂറോപ്പതിയെ തടയുന്നതിനുള്ള ഏറ്റവും നല്ല മാർഗം രക്തത്തിലെ ഗ്ലൂക്കോസിന്റെ അളവ് നോർമലായി‌ നിലനിർത്തുക എന്നതാണ്. അളവ് സ്ഥിരമായി നിലനിർത്തുന്നത് ഞരമ്പുകളെ സംരക്ഷിക്കുന്നു.  ആരോഗ്യകരമായ ഒരു ജീവിതശൈലിയിലൂടെ പ്രമേഹത്തെ വിജയകരമായി തടയാനും നിയന്ത്രിക്കാനും കഴിയും.

English Summary : Diabetic Neuropathy: Symptoms and treatment