കാലിലെ വരണ്ടചർമം പല കാരണങ്ങൾ കൊണ്ടുവരാം. ആസ്മ പോലുള്ള അസുഖമുള്ളവർ, അലർജിക്കു മരുന്ന് കഴിക്കുന്നവർ....ഇവരിലൊക്കെ വരണ്ട ചർമം കാണാറുണ്ട്. വരണ്ട കാലുകൾ പ്രത്യേക പരിചരണം നൽകുക.
∙സോപ്പിന്റെ ഉപയോഗം പരമാവധി കുറയ്ക്കുക ന്യൂട്രൽ സോപ്പുകളോ, സോപ്പ് –ഫ്രീ സൊല്യൂഷനുകളോ ഉപയോഗിക്കുന്നത് വരൾച്ച കുറയ്ക്കും.
∙കുളി കഴിഞ്ഞ് മൂന്നു മിനിറ്റിനു മുൻപ് ശരീരത്തിൽ ജലാംശമുള്ളപ്പോള്‍ തന്നെ മോയ്സ്ചറൈസർ പുരട്ടുന്നത് ശീലമാക്കാം.
∙കുളിക്കും മുന്‍പേ എണ്ണ പുരട്ടി കുളിച്ചു എന്നു പറഞ്ഞിട്ട് കാര്യമില്ല. കുളി കഴിഞ്ഞ് മോയ്സ്ചറൈസർ ഉപയോഗിക്കാത്തവർ അൽപം വെളിച്ചെണ്ണ കാലുകളിൽ പുരട്ടുക.
∙ഉപ്പൂറ്റിയിൽ വിണ്ടുകീറൽ ഉണ്ടെങ്കിൽ ചെറു ചൂടുവെള്ളത്തിൽ ഉപ്പിട്ട് കാലുകൾ 20 മിനിറ്റു നേരം അതിൽ മുക്കി വയ്ക്കുക. നന്നായി തുടച്ച് ഉണക്കിയശേഷം മോയ്സ്ചറൈസർ പുരട്ടാം. ഇങ്ങനെ ദിവസവും ചെയ്യാം.
∙നറിഷിങ് ഓയിന്റ്മെന്റുകളും ലോഷനുകളും ഡോക്ടറുടെ നിർദേശപ്രകാരം വാങ്ങി പുരട്ടുന്നതും ഗുണം ചെയ്യും. ഒരു കാരണവശാലും കാലുകൾ കല്ലിലും മറ്റു അമിതമായി ഉരയ്ക്കരുത്.
Read More : Health Tips
