പുരുഷന്മാരിൽ പ്രത്യുൽപാദന ക്ഷമത വർധിപ്പിക്കുന്ന അഞ്ച് പോഷകങ്ങൾ

വന്ധ്യത മൂലം പ്രയാസപ്പെടുന്ന നിരവധി പേരുണ്ട്. നാൽപതു മുതൽ അൻപതു ശതമാനം വന്ധ്യതാകേസുകളും പുരുഷന്മാരുടെ പ്രത്യുൽപാദന സംവിധാനത്തിന്റെ തകരാറ് മൂലമാണ് സംഭവിക്കുന്നതെന്നാണ് പഠനങ്ങൾ പറയുന്നത്; അതായത് പുരുഷവന്ധ്യത മൂലം. പുരുഷന്മാരിലെ ഫെർട്ടിലിറ്റി വർധിപ്പിക്കാൻ ചില പോഷകങ്ങൾക്കാവും. അവ ഏതൊക്കെ എന്നു നോക്കാം. 

∙ഫോളേറ്റ് – പുരുഷന്മാരിലെ പ്രത്യുൽപാദന നിരക്ക് വർധിപ്പിക്കാനും പ്രത്യുൽപ്പാദന ആരോഗ്യം മെച്ചപ്പെടുത്താനും ഫോളേറ്റ് ധാരാളം അടങ്ങിയ ഭക്ഷണങ്ങൾക്കാകും. ഫോളേറ്റിന്റെ അളവ് കുറയുന്നത് വന്ധ്യതയ്ക്കു കാരണമാകും. 

∙സിങ്ക് – പുരുഷന്മാരിലെ ഫെർട്ടിലിറ്റി വർധിപ്പിക്കാൻ സിങ്ക് സഹായിക്കും. അതിലടങ്ങിയ ആന്റിഓക്സിഡന്റുകളാണ് ഈ ഗുണം നൽകുന്നത്. 

∙ലൈക്കോപീൻ – ശരീരത്തിലെ ഓക്സീകരണ സമ്മർദം കുറയ്ക്കാനും അതുവഴി പ്രത്യുൽപാദന ക്ഷമത വർധിപ്പിക്കാനും ലൈക്കോപീൻ സഹായിക്കും. 

∙വൈറ്റമിൻ സി – ആന്റി ഓക്സിഡന്റുകൾ ധാരാളം അടങ്ങിയ പോഷകമാണിത്. ഇത് പുരുഷന്മാരിലെ പ്രത്യുൽപ്പാദന ക്ഷമത മെച്ചപ്പെടുത്താൻ സഹായിക്കുന്നു. വൈറ്റമിൻ സി ധാരാളമടങ്ങിയ നാരക ഫലങ്ങൾ ഉപയോഗിക്കാൻ ശ്രദ്ധിക്കാം. 

∙സെലെനിയം – ടെസ്റ്റോസ്റ്റിറോൺ മെറ്റബോളിസം ഉൾപ്പെടെയുള്ള പ്രവർത്തനങ്ങൾക്ക് സെലെനിയം പ്രധാനമാണ്. പുരുഷന്മാരിലെ പ്രത്യുൽപാദന ക്ഷമത വർധിപ്പിക്കാൻ സെലെനിയം സഹായിക്കും.

Content Summary: 5 Nutrients To Boost Male Reproductive Health