ഇടയ്ക്കിടെയുള്ള നെഞ്ചെരിച്ചിലും വയറുവേദനയും; ഫങ്ഷനൽ ഡിസ്പെപ്സിയ സംശയിക്കണം
നെഞ്ചെരിച്ചിൽ, വയറുവേദന, ഗ്യാസ് കയറുന്നു തുടങ്ങിയ പ്രശ്നങ്ങളുണ്ടെന്നു പറഞ്ഞ് ഡോക്ടർമാരെ കാണുന്നവരിൽ ഒരു വിഭാഗം ആളുകൾക്ക് പരിശോധനകളിൽ പ്രശ്നമൊന്നും കണ്ടെത്താറില്ല. പല ഡോക്ടർമാരെയും കാണിച്ചിട്ടും എൻഡോസ്കോപ്പി, സ്കാനിങ്, രക്തപരിശോധന തുടങ്ങിയവ ചെയ്തു നോക്കിയിട്ടും ‘ഒരു കുഴപ്പവുമില്ല’ എന്ന മറുപടി.
നെഞ്ചെരിച്ചിൽ, വയറുവേദന, ഗ്യാസ് കയറുന്നു തുടങ്ങിയ പ്രശ്നങ്ങളുണ്ടെന്നു പറഞ്ഞ് ഡോക്ടർമാരെ കാണുന്നവരിൽ ഒരു വിഭാഗം ആളുകൾക്ക് പരിശോധനകളിൽ പ്രശ്നമൊന്നും കണ്ടെത്താറില്ല. പല ഡോക്ടർമാരെയും കാണിച്ചിട്ടും എൻഡോസ്കോപ്പി, സ്കാനിങ്, രക്തപരിശോധന തുടങ്ങിയവ ചെയ്തു നോക്കിയിട്ടും ‘ഒരു കുഴപ്പവുമില്ല’ എന്ന മറുപടി.
നെഞ്ചെരിച്ചിൽ, വയറുവേദന, ഗ്യാസ് കയറുന്നു തുടങ്ങിയ പ്രശ്നങ്ങളുണ്ടെന്നു പറഞ്ഞ് ഡോക്ടർമാരെ കാണുന്നവരിൽ ഒരു വിഭാഗം ആളുകൾക്ക് പരിശോധനകളിൽ പ്രശ്നമൊന്നും കണ്ടെത്താറില്ല. പല ഡോക്ടർമാരെയും കാണിച്ചിട്ടും എൻഡോസ്കോപ്പി, സ്കാനിങ്, രക്തപരിശോധന തുടങ്ങിയവ ചെയ്തു നോക്കിയിട്ടും ‘ഒരു കുഴപ്പവുമില്ല’ എന്ന മറുപടി.
നെഞ്ചെരിച്ചിൽ, വയറുവേദന, ഗ്യാസ് കയറുന്നു തുടങ്ങിയ പ്രശ്നങ്ങളുണ്ടെന്നു പറഞ്ഞ് ഡോക്ടർമാരെ കാണുന്നവരിൽ ഒരു വിഭാഗം ആളുകൾക്ക് പരിശോധനകളിൽ പ്രശ്നമൊന്നും കണ്ടെത്താറില്ല. പല ഡോക്ടർമാരെയും കാണിച്ചിട്ടും എൻഡോസ്കോപ്പി, സ്കാനിങ്, രക്തപരിശോധന തുടങ്ങിയവ ചെയ്തു നോക്കിയിട്ടും ‘ഒരു കുഴപ്പവുമില്ല’ എന്ന മറുപടി. മുതിർന്ന പൗരന്മാരിൽ ഈ പ്രശ്നമുള്ളവർ ഒട്ടേറെയുണ്ട്. ഈ അവസ്ഥയ്ക്ക് ഫങ്ഷനൽ ഡിസ്പെപ്സിയ എന്നാണു പറയുന്നത്.
ലക്ഷണങ്ങൾ
∙ നെഞ്ചെരിച്ചിൽ, വയറിന്റെ മുകൾഭാഗത്ത് വേദന, ഓക്കാനം, പുളിച്ചുതികട്ടൽ, ഭക്ഷണം കഴിക്കാൻ താൽപര്യക്കുറവ് എന്നിവയാണ് പ്രധാന ലക്ഷണങ്ങൾ.
∙ ഈ പ്രയാസങ്ങൾ മൂലം ഭക്ഷണം കഴിക്കുന്നതിന്റെ അളവ് കുറയുകയും ശരീരഭാരം വല്ലാതെ കുറഞ്ഞുപോകുകയും ചെയ്യാറുണ്ട്.
∙ ചിലർക്ക് രാത്രി ഉറക്കക്കുറവ്, വെപ്രാളം, അമിത ഉത്കണ്ഠ എന്നിവയുണ്ടാകുന്നു.
∙ ഈ അവസ്ഥ വരുന്ന ഭൂരിപക്ഷം പേരിലും മാനസികമായ ബുദ്ധിമുട്ടുകൾ പ്രകടമായിരിക്കും. വിഷാദരോഗം, അമിത ഉത്കണ്ഠ എന്ന രോഗാവസ്ഥ എന്നിവയുടെ ലക്ഷണങ്ങൾ വയറിന്റെ പ്രശ്നങ്ങളോടൊപ്പം ഇവരിൽ പ്രകടമായി ഉണ്ടാകാൻ സാധ്യതയുണ്ട്. നിസ്സാര കാര്യങ്ങൾക്ക് വിഷമിക്കുകയും പൊട്ടിത്തെറിക്കുകയും ചെയ്യുന്ന സ്വഭാവവും ഇവരിൽ ചിലരിലെങ്കിലും പ്രകടമായിരിക്കും.
ഈ ലക്ഷണങ്ങൾ കഴിഞ്ഞ ഒരു വർഷത്തിനുള്ളിൽ മൂന്നു മാസമെങ്കിലും ഉണ്ടാകുകയും എൻഡോസ്കോപ്പി ചെയ്തുനോക്കിയിട്ട് അൾസറിന്റെയോ ആമാശയ സംബന്ധമായ മറ്റു രോഗങ്ങളുടെയോ ലക്ഷണങ്ങൾ ഇല്ലാതിരിക്കുകയും ചെയ്താൽ അയാൾക്ക് ഫങ്ഷനൽ ഡിസ്പെപ്സിയ ഉണ്ടെന്നു കരുതാം.
കാരണങ്ങൾ
സ്ത്രീകളിലും പുരുഷന്മാരിലും ഒരേപോലെ കാണപ്പെടുന്ന ഈ അവസ്ഥ പ്രായം കൂടുന്നതനുസരിച്ച് കൂടി വരുന്നതായി കാണുന്നു. ഈ അവസ്ഥയുള്ളവരിൽ ഭൂരിപക്ഷം പേരും കുട്ടിക്കാലത്ത് വിഷമകരമായ ജീവിതാനുഭവങ്ങൾ ഉണ്ടായവരായിരിക്കും. അനാരോഗ്യകരമായ ഭക്ഷണശീലങ്ങൾ, മദ്യപാനം, പുകവലി, എരിവും പുളിയും ഉള്ള ഭക്ഷണം കൂടുതലായി കഴിക്കുക എന്നിവയും ഈ പ്രശ്നം വരാനുള്ള സാധ്യത വർധിപ്പിക്കുന്ന ഘടകങ്ങളാണ്.
എങ്ങനെ പരിഹരിക്കാം
∙ ഈ പ്രശ്നം ഉള്ളവർക്ക് തലച്ചോറിലെ നോർഎപ്പിനെഫ്രിൻ, ഗാബാ തുടങ്ങിയ ചില രാസവസ്തുക്കളിൽ കുറവുള്ളതായി പഠനങ്ങൾ സൂചിപ്പിക്കുന്നു. ഇത്തരം രാസവസ്തുക്കൾ ക്രമീകരിക്കാൻ സഹായിക്കുന്ന ഔഷധങ്ങൾ ഉപയോഗിച്ചാൽ രോഗലക്ഷണങ്ങൾ വേഗം കുറയുന്നതായി കണ്ടുവരുന്നു.
∙ ഈ മരുന്നുകളോടൊപ്പം മാനസികാരോഗ്യ വിദഗ്ധന്റെ സഹായത്തോടെ റിലാക്സേഷൻ വ്യായാമങ്ങളും ചിന്താവൈകല്യങ്ങൾ പരിഹരിക്കാനുള്ള മനഃശാസ്ത്ര ചികിത്സകളും പരിശീലിക്കുന്നതു പ്രയോജനം ചെയ്യും.
∙ എരിവും പുളിയും കൂടുതലുള്ള ഭക്ഷ്യവസ്തുക്കൾ ഒഴിവാക്കുക.
∙ ആഹാരം ധൃതിയിൽ കഴിക്കാതെ സാവധാനം ചവച്ചരച്ചു കഴിക്കുക.
∙ ഒരു നേരം തന്നെ ഒരുപാട് ഭക്ഷണം കഴിക്കാതെ ദിവസേന അഞ്ചു നേരമായി കുറേശ്ശെ ഭക്ഷണം കഴിക്കുന്നതു നന്നായിരിക്കും.
∙ ഭക്ഷണം കഴിച്ചശേഷം ഉടനെ കിടക്കുന്ന ശീലം ഒഴിവാക്കണം.
∙ രാത്രി ഉറങ്ങുന്നതിന് രണ്ടു മണിക്കൂർ മുൻപെങ്കിലും ഭക്ഷണം കഴിക്കണം.
∙ ഉറങ്ങാൻ കിടക്കുന്ന കട്ടിലിന്റെ തലഭാഗം അഞ്ച് ഇഞ്ച് പൊക്കി വച്ചു കിടക്കുന്നത് അഭികാമ്യമായിരിക്കും.
(വിവരങ്ങൾക്കു കടപ്പാട്: ഡോ. അരുൺ ബി. നായർ, പ്രഫസർ, സൈക്യാട്രി വിഭാഗം, മെഡിക്കൽ കോളജ്, തിരുവനന്തപുരം.arunb.nair@yahoo.com )
Content Summary: Functional Dyspepsia; Causes, Symptoms, treatment and precaution