റാം c/o ആനന്ദിയുടെ വ്യാജപതിപ്പ് പ്രചരിപ്പിച്ചു; ഒരാൾ അറസ്റ്റിൽ
Mail This Article
അഖില് പി ധര്മ്മജന്റെ 'റാം c/o ആനന്ദി' എന്ന നോവലിന്റെ വ്യാജപതിപ്പ് നിർമിച്ചു വിതരണം ചെയ്ത കേസിൽ ഒരാൾ അറസ്റ്റിൽ. തിരുവനന്തപുരം പൂന്തുറ സ്വദേശി ഹബീബ് റഹ്മാനാണ് പിടിയിലായത്. ഡിസി ബുക്സിന്റെ പരാതിയിൽ എറണാകുളം സെന്ട്രല് പൊലീസിന്റേതാണ് നടപടി.
മറൈന് ഡ്രൈവില് നടന്ന എക്സിബിഷന് സെന്ററിലെ പുസ്തക സ്റ്റാളിലാണ് ‘റാം c/o ആനന്ദി’ എന്ന പുസ്തകത്തിന്റെ വ്യാജ പതിപ്പുകള് പകര്പ്പവകാശ നിയമത്തിന് വിരുദ്ധമായി വില്ക്കുന്നതായി കണ്ടെത്തിയത്.
എഴുത്തുകാരുടെയും പുസ്തകപ്രസാധന മേഖലയുടെയും അതിജീവനത്തിന് വെല്ലുവിളിയുയര്ത്തി സമൂഹമാധ്യമങ്ങളിലൂടെയും അല്ലാതെയും ഇത്തരത്തില് വ്യാജപുസ്തകങ്ങള് വ്യാപകമായി പ്രചരിക്കുന്നതിനെതിരെ ശക്തമായനടപടികളാണ് പൊലീസ് സ്വീകരിക്കുന്നത്. ഇന്ത്യന് പകര്പ്പവകാശ നിയമപ്രകാരമാണ് പ്രതികള്ക്കെതിരെ കേസെടുക്കുന്നത്.