എന്റെ പഴയ കോലം കാണിക്കാന്‍ ഒരു മടിയുമില്ല: വിഡിയോയുമായി അമേയ

വെബ് സീരിസിലൂടെയും സിനിമകളിലൂടെയും മലയാളികളുടെ പ്രിയ താരമായി മാറിയ നടിയാണ് അമേയ മാത്യു.  മമ്മൂട്ടി നായകനായി എത്തിയ പ്രീസ്റ്റിലും നടി ശ്രദ്ധേയമായ വേഷത്തില്‍ എത്തിയിട്ടുണ്ട്. ഇപ്പോഴിതാ, പോയ വര്‍ഷങ്ങളില്‍ തന്റെ രൂപത്തില്‍ സംഭവിച്ച വ്യത്യാസം ഒരു വിഡിയോയിലൂടെ അവതരിപ്പിച്ചിരിക്കുകയാണ് അമേയ.

പഴയ കോലം കാണിക്കാന്‍ തനിക്കൊരു മടിയുമില്ലെന്നും അതാണ് തന്നെ ഇവിടെ വരെ എത്തിച്ചതെന്നും നടി പറയുന്നു. ‘മാറ്റങ്ങള്‍ ജീവിതത്തില്‍ അനിവാര്യമാണ്. അത് നേടിയെടുക്കുക എന്നത് ചെറിയ കാര്യമല്ല. മാനസികമായും ശാരീരികമായും നമ്മള്‍ നമ്മളെ തന്നെ ചാലഞ്ച് ചെയ്യുന്ന നിമിഷം. എന്റെ പഴയ കോലം കാണിക്കാന്‍ എനിക്ക് ഒരു മടിയുമില്ല... കാരണം അതാണ് എന്നെ ഞാനാക്കിയത്.’–അമേയ പറയുന്നു.