കുവൈറ്റിലെ ഷോർട്ട് ഫിലിം രംഗത്ത് ശ്രദ്ധേയനായ നിഷാദ് കാട്ടൂർ രചനയും സംവിധാനവും നിർവഹിച്ച  "എന്ന് സ്വന്തം അമ്മുക്കുട്ടി' എന്ന ഷോർട്ട് ഫിലിം ശ്രദ്ധേയമാകുന്നു. കുവൈറ്റിന്റെ അതിർത്തി പ്രദേശമായ വേഫ്രാ എന്ന സ്ഥലത്തു കേരളത്തിലെ ഒരു ഗ്രാമീണ പശ്ചാത്തലം ഒരുക്കിയിരിക്കുകയാണ് കുവൈറ്റിലെ ഈ കലാകാരന്മാർ. കേരളത്തനിമ ഒട്ടും നഷ്ടപ്പെടാതെ ഛായാഗ്രഹണവും പ്രമേയം കൊണ്ട് വ്യത്യസ്തവുമായ ഈ കലാസൃഷ്ടി നഷ്ടപ്രണയത്തിന്റെ നൊമ്പരങ്ങൾ  മനോഹരമായി ഒപ്പിയെടുക്കുന്നു.

ബിൻസ് അടൂർ, ചിന്നു കോര, ബാലതാരമായ അവന്തിക അനുപ് എന്നിവർ അഭിനയിച്ചിരിക്കുന്ന ഈ ചിത്രത്തിന്റെ ക്യാമറ ചലിപ്പിച്ചിരിക്കുന്നത് വിനു സ്നിപ്പർ ആണ്. സിതാര സെബാസ്റ്റ്യൻ ചൂരനോലി നിർമ്മിച്ച ഈ ചിത്രത്തിന്റെ സംഗീതം നിർവഹിച്ചിരിക്കുന്നതും ആലപിച്ചിരിക്കുന്നതും പി.ജി രാജേഷ് ആണ്. കലാസംവിധാനം അനീഷ്‌ പുരുഷോത്തമൻ,മേക്കപ്പ് പ്രവീൺകൃഷ്ണ, മേക്കപ്പ് സഹായി റെനി,നിർമാണ നിർവഹണം മധു വേഫ്രാ, പി.ആർ.ഓ ആദർശ് അടൂര്‍.