ഡി ഫോര്‍ ഡാന്‍സ് ഊര്‍ജമായി ; ഡാന്‍സ് സ്റ്റാര്‍ട്അപ്പുമായി സുഹൈദ് കുക്കു
മഴവില്‍ മനോരമയിലെ ഡി ഫോര്‍ ഡാന്‍സ് എന്ന പരിപാടിയിലൂടെ മലയാളികള്‍ക്ക് സുപരിചിതനാണ് കുക്കു (സുഹൈദ് കുക്കു). നിരവധി സിനിമകളിലും വേഷമിട്ടിട്ടുള്ള സുഹൈദ് കുക്കു ഇപ്പോളിതാ ഡാന്‍സ് സ്റ്റാര്‍ട്അപ്പ് എന്ന പുത്തന്‍ ആശയവുമായി രംഗത്തെത്തിയിരിക്കുകയാണ്.
കെ സ്‌ക്വാഡ് എന്ന പേരില്‍ ഡാന്‍സ് സ്റ്റാര്‍ട്അപ്പിനു തുടക്കം കുറിച്ച കുക്കു കണ്ടെംപററി, ഹിപ് ഹോപ്, ബോളിവുഡ്, ജിംനാസ്റ്റിക്‌സ്, കഥക്, ഭരതനാട്യം, തുടങ്ങി നൃത്തവുമായി ബന്ധപ്പെട്ട പതിനൊന്നോളം ഇനങ്ങളില്‍ പരിശീലനം ഒരുക്കുകയാണ് പുതിയ സംരഭത്തിലൂടെ. ഒപ്പം ആരോഗ്യസംരക്ഷണം മുന്‍നിര്‍ത്തി വര്‍ക്കൗട്ട് ഫിറ്റ്‌നസും, ക്രോസ് ഫിറ്റും, സൂംബയും, യൊഗയുമെല്ലാം കെ സ്‌ക്വാഡിലൂടെ നല്‍കുന്നു.
ഡി ഫോര്‍ ഡാന്‍സിന്റെ അമരക്കാരായ പ്രസന്നമാസ്റ്ററും, പാരീസ് ലക്ഷ്മിയും, ആദില്‍ ഇബ്രാഹിം, മറ്റു താരങ്ങളും, ചലച്ചിത്ര താരങ്ങളായ സനിയ ഇയ്യപ്പന്‍, റോഷന്‍, ഡയന്‍ ഡേവിസ്, ഗ്രേസ് ആന്റണി, ഷാലു റഹീം, തുടങ്ങിയവരെല്ലാം കെ സ്‌ക്വാഡിന് ആശിര്‍വാദവുമായി ഉദ്ഘാടന ചടങ്ങില്‍ പങ്കെടുക്കാന്‍ എത്തിയിരുന്നു. കാക്കനാട് വള്ളത്തോള്‍ നഗറിനു സമീപമാണ് കെ സ്‌ക്വാഡ് ഡാന്‍സ് സ്റ്റുഡിയോ പ്രവര്‍ത്തനം ആരംഭിച്ചിരിക്കുന്നത്.