മാധ്യമപ്രവർത്തകനായ ഷാബു കിളിത്തട്ടിൽ എഴുതി സംവിധാനം ചെയ്ത ഇംഗ്ലീഷ് ഹ്രസ്വചിത്രമായ മശ്‌ഹദിലെ ഗാനം പുറത്തിറങ്ങി. ദീപക് ദേവ് സംഗീതം നിർവഹിച്ച ഗാനം പാടിയിരിക്കുന്നത് മകൾ പല്ലവിയാണ്. വിനോദ് വർമയാണ് വരികൾ എഴുതിയിരിക്കുന്നത്. പൂർണ്ണമായും ദുബായിയിൽ ചിത്രീകരിച്ച മശ്‌ഹദ് ഇറാക്ക് യുദ്ധത്തെ തുടർന്ന് ദുബായിലേക്ക് കുടിയേറിയ ഒരമ്മയുടെയും കാഴ്ച നഷ്ടപ്പെട്ട മകളുടെയും കഥയാണ് പറയുന്നത്.

ഈജിപ്ഷ്യൻ നടി ഷെറോക് സകരിയ, ഇറാഖി തീയറ്റർ ആർട്ടിസ്റ് യാസിൻ താജിർ അറബ് കവി ഡോ ശിഹാബ് ഗാനിം എന്നിവർക്കൊപ്പം മലയാളിയെ റിദ ഫാത്തിമ പ്രധാന കഥാപാത്രത്തെ അവതരിപ്പിക്കുന്നു. ജന്മനാ കാഴ്ച വൈകല്യമുള്ള റിദ ചിത്രത്തിൽ കാഴ്ച വൈകല്യമുള്ള ഫാത്തിമയെ അവതരിപ്പിച്ചിരിക്കുന്നു.