സംഗീതസംവിധായകൻ അഫ്സൽ യൂസഫിന്റെ ഈണത്തിൽ പിന്നണി ഗായിക ആൻ ആമി ആലപിച്ച ‘സ്മൃതിയുടെ താഴ്‌വാരം’ എന്ന സംഗീത വിഡിയോ ശ്രദ്ധേയമാകുന്നു. യുവ പാട്ടെഴുത്തുകാരിൽ ശ്രദ്ധേയനായ വിനായക് ശശികുമാർ ആണ് പാട്ടിനു വരികള്‍ കുറിച്ചത്. സുന്ദരമായ സംഗീതത്തിനൊപ്പം മികച്ച ദൃശ്യാനുഭവം കൂടി സമ്മാനിച്ചാണ് പാട്ട് ആസ്വാദകർക്കരികിൽ എത്തിയത്. 

ഇതിനോടകം ഏറെ ശ്രദ്ധിക്കപ്പെട്ട പാട്ടിനു മികച്ച പ്രതികരണങ്ങളാണു സമൂഹമാധ്യമങ്ങളിൽ നിന്നും ലഭിക്കുന്നത്. മഹേഷ്, അനീഷ് ചന്ദ്രൻ, അഖില്‍ സുന്ദരം എന്നിവർ ചേർന്നാണ് പാട്ട് ചിത്രീകരിച്ചത്. ആൽബി നടരാജ് വിഡിയോയുടെ എഡിറ്റിങ് നിർവഹിച്ചു. ദീപു ശശിധരൻ, ബിനു നൈനാൻ, അഖിലേഷ് കെ ആർ എന്നിവർ ചേർന്നാണ് ഗാനരംഗങ്ങളുടെ സംവിധാനം നിർവഹിച്ചത്. പാട്ട് ഇതിനോടകം നിരവധി ആസ്വാദകരെ സ്വന്തമാക്കി. ആൻ ആമിയുടെ ശബ്ദം അതി സുന്ദരമാണെന്നാണ് പ്രേക്ഷകരുടെ വിലയിരുത്തൽ.