പ്രണയവും വിരഹവും ഇഴചേർത്ത ‘ദൂരിക’; മനം കവർ‌ന്ന് ഹരിചരണിന്റെ പാട്ട്
പിന്നണി ഗായകൻ ഹരിചരൺ ആലപിച്ച തമിഴ് സംഗീത ആൽബം ‘ദൂരിക’ ആസ്വാദകരെ നേടുന്നു. പ്രണയവും വിരഹവും കലർന്ന വരികളാണ് ഗാനത്തിന്റേത്. തമിഴകത്തെ പ്രശസ്ത ഗാനരചയിതാവ് നിരഞ്ജൻ ഭാരതിയുടെ വരികള്‍ക്ക് അയാസ് ഇസ്മയിലാണ് സംഗീതം നല്‍കിയിരിക്കുന്നത്. അഫിനാണ് ഗാനരംഗങ്ങളുടെ സംവിധാനം നിർവഹിച്ചത്.
ഐ തിങ്ക് സ്റ്റുഡിയോ നിർമ്മിച്ചിരിക്കുന്ന ആൽബത്തിനു വേണ്ടി ഹിമല്‍ മോഹന്‍ ക്യാമറ കൈകാര്യം ചെയ്തു. ഹരി ദേവകി ആണ് എഡിറ്റിങ് നിർഹിച്ചത്. ശ്വേതാ വിനോദ്, ഷബീബ് ഷഹീര്‍ എന്നിവരാണ് ആൽബത്തിലെ അഭിനേതാക്കൾ. ചുരുങ്ങിയ സമയത്തിനകം തന്നെ ശ്രദ്ധേയമായ ‘ദൂരിക’ നിരവധി ആസ്വാദകരെ സ്വന്തമാക്കിക്കഴിഞ്ഞു.