തിരുവനന്തപുരം∙ വൊക്കേഷനൽ ഹയർ സെക്കൻഡറി ഒന്നാംവർഷ ഏകജാലക പ്രവേശനത്തിനുള്ള രണ്ടാം സപ്ലിമെന്ററി അലോട്മെന്റ് www.vhsap.kerala.gov.in എന്ന വെബ്സൈറ്റിൽ പ്രസിദ്ധീകരിച്ചു. Second suppl-Transfer Allotment Results എന്ന ലിങ്കിൽ അപേക്ഷാനമ്പറും ജനനത്തീയതിയും ടൈപ്പ് ചെയ്ത് അലോട്മെന്റ് വിവരങ്ങൾ മനസ്സിലാക്കാനും അലോട്മെന്റ് സ്ലിപ് ഡൗൺലോഡ് ചെയ്യാനും കഴിയും.
ഒന്നാം സപ്ലിമെന്ററി അലോട്മെന്റിന്റെ അടിസ്ഥാനത്തിൽ 29ന് ഉച്ചയ്ക്ക് ഒന്നു വരെ സ്കൂളുകളിൽ അഡ്മിഷൻ നേടാം. അലോട്മെന്റ് ലഭിച്ചിട്ടുള്ള വിദ്യാർഥികൾക്കു സ്ഥിരപ്രവേശനമാണു ലഭിക്കുന്നത്. ഇവർക്ക് താൽക്കാലിക പ്രവേശനം അനുവദനീയമല്ല.
ലിസ്റ്റിൽ ഉൾപ്പെട്ടിട്ടുള്ള വിദ്യാർഥികൾ 29ന് ഉച്ചയ്ക്ക് ഒന്നിനു മുൻപ് അലോട്മെന്റ് ലഭിച്ച സ്കൂളുകളിൽ റിപ്പോർട്ട് ചെയ്തു സ്ഥിര അഡ്മിഷൻ നേടാതിരുന്നാൽ അഡ്മിഷൻ പ്രക്രിയയിൽ നിന്നു പുറത്താകും.
×
