തിരുവനന്തപുരം∙ കേരള സർവകലാശാല ഐഎംകെയിലേക്കും സർവകലാശാല നേരിട്ടു നടത്തുന്ന യൂണിവേഴ്സിറ്റി ഇൻസ്റ്റിറ്റ്യുട്ട് ഓഫ് മാനേജ്മെന്റ് (യുഐഎം) വർക്കല, അടൂർ, ആലപ്പുഴ, കുണ്ടറ, കൊല്ലം, പുനലൂർ, പൂജപ്പുര സെന്ററുകളിലേക്കും ഫുൾടൈം എംബിഎ കോഴ്സിനു ചേരുന്നതിനുള്ള ഓൺലൈൻ അപേക്ഷ ജൂൺ 30 വരെ നൽകാം.
കേരള യൂണിവേഴ്സിറ്റി വെബ്സൈറ്റിൽ അഡ്മിഷൻ പോർട്ടൽ വഴി അപേക്ഷിക്കണം. എംബിഎ പ്രവേശന പരീക്ഷയായ കെ–മാറ്റ്, ഏപ്രിൽ രണ്ടിനു വിവിധ കേന്ദ്രങ്ങളിൽ നടത്തും. അതിലേക്കുള്ള അപേക്ഷയുടെ അവസാന തീയതി നാളെ ആണ്. ഡിഗ്രി അവസാന വർഷ/സെമസ്റ്റർ പരീക്ഷ എഴുതുന്ന വിദ്യാർഥികൾക്കും അപേക്ഷിക്കാം.