സാമ്പത്തിക സംവരണം നടപ്പാക്കി ഗുജറാത്ത്

അഹമ്മദാബാദ് ∙ മുന്നാക്ക വിഭാഗങ്ങളിലെ സാമ്പത്തികമായി പിന്നാക്കം നിൽക്കുന്നവർക്കുള്ള 10% സംവരണം ഗുജറാത്ത് സർക്കാർ നടപ്പിലാക്കി. ഇതിനായുള്ള ഭരണഘടനാ ഭേദഗതി കഴിഞ്ഞയാഴ്ചയാണ് പാർലമെന്റ് പാസ്സാക്കിയത്. കഴിഞ്ഞ ശനിയാഴ്ച രാഷ്ട്രപതി റാം നാഥ് കോവിന്ദ് ഒപ്പുവച്ച നിയമം 2 ദിവസത്തിനുള്ളിൽ നടപ്പാക്കി ഗുജറാത്ത് തുടക്കമിടുകയും ചെയ്തു. പുതിയ നിയമത്തിന്റെ ആനുകൂല്യം കൂടുതൽ പേർക്കു ലഭിക്കുന്നതിനായി 20നു നടത്താനിരുന്ന പരീക്ഷകൾ ഗുജറാത്ത് പിഎസ്‍സി മാറ്റിവച്ചിട്ടുണ്ട്.