പഞ്ചാബിലെ സോളർ ട്രീ വലുപ്പത്തിൽ മുന്നിൽ

ന്യൂഡൽഹി ∙ പഞ്ചാബിലെ ലുധിയാനയിൽ കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച് (സിഎസ്ഐആർ) നിർമിച്ച സൗരോർജ മരം (സോളർ ട്രീ) ലോകത്തിലെ ഏറ്റവും വലുതെന്ന ഗിന്നസ് റെക്കോർഡ് നേടി. മരത്തിന്റെ ആകൃതിയിലുള്ള ചട്ടക്കൂടിൽ സോളർ പാനലുകൾ സ്ഥാപിക്കുന്നതിനെയാണ് ‘സോളർ ട്രീ’ എന്നു വിളിക്കുന്നത്. 310 ചതുരശ്ര മീറ്റർ വിസ്തൃതിയിലാണ് സോളർ പാനലുകൾ വിന്യസിച്ചിരിക്കുന്നത്. 67 ചതുരശ്ര മീറ്ററുള്ള മരമായിരുന്നു ഇതുവരെ വലുത്. 160 മുതൽ 200 യൂണിറ്റ് വൈദ്യുതി പ്രതിദിനം ഉൽപാദിപ്പിക്കാനാവും. ഉദ്യാനങ്ങളിലും ബാൽക്കണികളിലും സൗരോർജ മരം സ്ഥാപിക്കണമെന്നു പ്രധാനമന്ത്രി നരേന്ദ്ര മോദി നിർദേശിച്ചിരുന്നു. 

English Summary: Solar tree in punjab biggest in size