പ്രചാരണത്തിനിടെ നെഞ്ചുവേദന; നടൻ ഗോവിന്ദ ആശുപത്രിയിൽ

മുംബൈ∙ നിയമസഭാ തിരഞ്ഞെടുപ്പ് പ്രചാരണ റാലിയിൽ പങ്കെടുക്കുന്നതിനിടെ നെഞ്ചുവേദന അനുഭവപ്പെട്ട നടനും ശിവസേന (ഷിൻഡെ) നേതാവുമായ ഗോവിന്ദയെ ഹെലികോപ്റ്ററിൽ മുംബൈയിലെ ആശുപത്രിയിൽ എത്തിച്ചു. ലോക്സഭാ തിരഞ്ഞെടുപ്പിന് തൊട്ടു മുൻപാണ് കോൺഗ്രസ് മുൻ എംപി കൂടിയായ ഗോവിന്ദ ശിവസേനയിൽ ചേർന്നത്. സ്വന്തം തോക്കിൽ നിന്ന് വെടിയേറ്റ് കഴിഞ്ഞ മാസം കാൽ മുട്ടിന് പരുക്കേറ്റ നടന് ശസ്ത്രക്രിയ നടത്തിയിരുന്നു.