2 കോടി വിലമതിക്കുന്ന എംഡിഎംഎയുമായി ടാറ്റൂ ആർട്ടിസ്റ്റ് പിടിയിൽ
Mail This Article
×
വാളയാർ (പാലക്കാട്) ∙ കൊച്ചിയിലെ ചില റിസോർട്ടുകളും ടൂറിസ്റ്റ് കേന്ദ്രങ്ങളും കേന്ദ്രീകരിച്ചുള്ള ഓണാഘോഷ പരിപാടിയിലേക്കു വിതരണം ചെയ്യാൻ കൊണ്ടുപോകുകയായിരുന്ന 69 ഗ്രാം എംഡിഎംഎ ലഹരിമരുന്നുമായി ടാറ്റൂ ആർട്ടിസ്റ്റ് പിടിയിൽ. കൊച്ചി കുന്നത്തുനാട് വേങ്ങൂർ വെസ്റ്റ് വില്ലേജിൽ പാണിയേലി മാനാങ്കുഴിയിൽ ലിയോ ലിജോയെ (20) ആണ് 2 കോടി രൂപയോളം വിലമതിക്കുന്ന ലഹരിമരുന്നുമായി എക്സൈസ് അറസ്റ്റ് ചെയ്തത്.
ബെംഗളൂരുവിൽ നിന്നു കൊച്ചിയിലേക്കു പോയ ബസിൽ നടത്തിയ പരിശോധനയിലാണു ലഹരിമരുന്നു പിടികൂടിയത്. സിനിമാ മേഖലയിൽ ഉൾപ്പെടെയുള്ളവർക്കു വേണ്ടി ടാറ്റൂ ചെയ്യുന്നയാളാണു ലിജോയെന്നും രാജ്യാന്തര ലഹരികടത്തു സംഘത്തിലെ കണ്ണിയാണ് ഇയാളെന്നും എക്സൈസ് അറിയിച്ചു. ഭാരപരിശോധനാ യന്ത്രവും ഇയാളിൽ നിന്നു പിടികൂടിയിട്ടുണ്ട്.
English Summary: Tattoo artist arrested with 2 crore MDMA
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.