അഭിഭാഷകന് നേരെ പൊലീസ് അതിക്രമം: ഹൈക്കോടതി സ്വമേധയാ കേസെടുക്കും

കൊച്ചി ∙ ഇന്ത്യൻ ലോയേഴ്സ് കോൺഗ്രസ് ആലപ്പുഴ ജില്ലാ പ്രസിഡന്റ് അഡ്വ. ഗോപകുമാർ പാണ്ഡവത്തിന് നേരെ രാമങ്കരി കോടതി അങ്കണത്തിലുണ്ടായ പൊലീസ് അതിക്രമത്തിൽ ഹൈക്കോടതി സ്വമേധയാ കേസെടുക്കും. 

ഇതുസംബന്ധിച്ച് ജസ്റ്റിസ് എ.കെ. ജയശങ്കരൻ നമ്പ്യാർ അധ്യക്ഷനായ ബെഞ്ച് റജിസ്ട്രിക്ക് നിർദേശം നൽകി. ഹൈക്കോടതി സ്വമേധയാ ഇടപെട്ടു കേസ് നടപടി ആരംഭിക്കണമെന്ന് ആവശ്യപ്പെട്ടു ഹൈക്കോർട്ട് അഡ്വക്കറ്റ്സ് അസോസിയേഷൻ ആക്ടിങ് ചീഫ് ജസ്റ്റിസിനു കത്ത് നൽകിയിരുന്നു. കുറ്റാരോപിതരായ ഉദ്യോഗസ്ഥരെ ഉടൻ സസ്പെൻഡ്‌ ചെയ്യണമെന്ന് ഇന്ത്യൻ ലോയേഴ്സ് കോൺഗ്രസ്‌ ഹൈക്കോർട്ട് കമ്മിറ്റി ആവശ്യപ്പെട്ടു.