അപകടമുണ്ട്, സൂക്ഷിക്കുക; സംസ്ഥാനത്തെ 14 ജില്ലകളിലെയും റോഡുകളിലെ പ്രധാന അപകടമേഖലകളിലൂടെ

 തിരുവനന്തപുരം

∙ എൻഎച്ച് 66ലെ കഴക്കൂട്ടം – കാരോട് ബൈപാസിൽ വിഴിഞ്ഞം പയറുംമൂട് ഭാഗം

∙ ഏതാനും ആഴ്ചകൾക്കിടെ പത്തിലേറെ മരണം

∙ അശാസ്ത്രീയമായ ജംക്‌ഷൻ ക്രമീകരണം, തെരുവുവിളക്കിന്റെ അഭാവം എന്നിവ കാരണങ്ങൾ

∙ അപകടം പതിവായതോടെ പൊലീസ് മുന്നറിയിപ്പു ബോർഡ് സ്ഥാപിച്ചു

കൊല്ലം, പത്തനംതിട്ട

∙ ജില്ലാ അതിർത്തിയിൽ എംസി റോഡിലെ കുളക്കട പുത്തൂർ മുക്ക് മുതൽ ഏനാത്ത് പാലം വരെയുള്ള ഭാഗം. കുളക്കട സ്കൂൾ മുതൽ ആലപ്പാട്ട് ദേവീക്ഷേത്രത്തിനു മുന്നിലെ വളവ് ഉൾപ്പെടുന്ന അര കിലോമീറ്റർ ക്രിട്ടിക്കൽ ബ്ലാക്‌സ്പോട്ട്.

∙ ഈ വർഷം പത്തനംതിട്ട ഭാഗത്ത് 64 അപകടങ്ങൾ, 6 മരണം. കൊല്ലം ഭാഗത്ത് 2 മരണം

∙ കൊടുംവളവും വേഗനിയന്ത്രണ സംവിധാനങ്ങൾ ഇല്ലാത്തതും അപകടകാരണങ്ങൾ.

∙ ജർമൻ സാങ്കേതികവിദ്യ ഉപയോഗിച്ചു ഓരോ വാഹനത്തിന്റെയും വേഗം ഡിസ്പ്ലേ ചെയ്യുമെന്ന് അറിയിച്ചെങ്കിലും നടന്നില്ല.

ആലപ്പുഴ

∙ ദേശീയപാത 66ൽ അരൂർ ബൈപാസ് മുതൽ കുത്തിയതോട് വരെ

∙ ഈ വർഷം 35 അപകടങ്ങൾ, 9 മരണം

∙ ഉയരപ്പാത നിർമാണം നടക്കുന്നതിനാൽ റോഡിന്റെ വീതി കുറഞ്ഞതും വെള്ളക്കെട്ടും കുഴികളും അപകടകാരണങ്ങൾ

∙ വെള്ളക്കെട്ട് ഒഴിവാക്കാനായി കാന നിർമിക്കാൻ നടപടികൾ തുടങ്ങിയെങ്കിലും ശുദ്ധജല പൈപ്പ് പൊട്ടുമെന്നതിനാൽ വേണ്ടെന്നുവച്ചു.

കോട്ടയം

∙ എംസി റോഡിൽ കുറവിലങ്ങാട് പുതുവേലി വൈക്കം കവല

∙ ഈ വർഷം 50 അപകടം

∙ കൂത്താട്ടുകുളം ഭാഗത്തുനിന്ന് എത്തുമ്പോൾ ഡിവൈഡർ കാണാനാകാത്തതും സൂചനാ സംവിധാനങ്ങൾ ഇല്ലാത്തതും അപകടകാരണം.

∙ നാറ്റ്പാക് സംഘം പരിശോധന നടത്തി റിപ്പോർട്ട് സമർപ്പിച്ചു.

∙ എംസി റോഡിൽ 101 കവല മുതൽ കാരിത്താസ് ജംക്‌ഷൻ വരെ.

∙ ഈ വർഷം 3 മരണം

∙ അപകടകാരണം കൂറ്റൻ വളവ്

ഇടുക്കി

∙ തൊടുപുഴ – പുളിയൻമല സംസ്ഥാനപാതയിൽ മുട്ടം ശങ്കരപ്പള്ളി

∙ മഴക്കാലത്ത് പ്രതിദിനം ഒരു വാഹനമെങ്കിലും അപകടത്തിൽപെടുന്നു.

∙ റോഡിൽ ടാറിന്റെ അംശം കൂടിയതും ശുദ്ധജല പൈപ്പ് സ്ഥാപിക്കാൻ റോഡിന്റെ പകുതിയോളം പൊളിച്ചിട്ടിരിക്കുന്നതും അപകടകാരണങ്ങൾ.

∙ സ്പീഡ് ബ്രേക്കർ വച്ചെങ്കിലും ഇത് കൂടുതൽ അപകടങ്ങൾക്കു കാരണമായതോടെ ചെറിയ ഹംപുകൾ സ്ഥാപിക്കുകയും പരമാവധി വേഗം 30 കിലോമീറ്ററായി പരിമിതപ്പെടുത്തുകയും ചെയ്തു. കഴിഞ്ഞ ദിവസം ചുവന്ന ലൈറ്റ് സ്ഥാപിച്ചു.

എറണാകുളം

∙ എംസി റോഡിൽ തൃക്കളത്തൂർ, സൊസൈറ്റിപ്പടി, പേഴയ്ക്കാപ്പിള്ളി

∙ ഒരു വർഷത്തിനിടെ 27 മരണം

∙ മൂവാറ്റുപുഴ – തേനി റോഡിൽ കല്ലൂർക്കാട്

∙ ഒരുവർഷത്തിനിടെ 8 മരണം

തൃശൂർ

∙ ദേശീയപാതയിൽ തൃശൂർ – എറണാകുളം ജില്ലാ അതിർത്തിക്കു സമീപം പെരുമ്പി

∙ 2 മാസത്തിനിടെ 15 അപകടങ്ങൾ, ഒരു വർഷത്തിനിടെ പത്തിലേറെ മരണം

∙ റോഡിൽ ടാർ മുഴച്ചുനിൽക്കുന്നതും മഴയത്തു വാഹനങ്ങൾ പാളുന്നതും അപകടകാരണം

പാലക്കാട്

∙ പാലക്കാട് – കോഴിക്കോട് ദേശീയപാതയിൽ പനയംപാടം. കഴിഞ്ഞ ദിവസം 4 കുട്ടികൾ മരിച്ചതുൾപ്പെടെ 5 വർഷത്തിനിടെ 49 അപകടങ്ങളിലായി 14 മരണം. 83 പേർക്കു പരുക്ക്.

∙ റോഡിലെ വളവ്, വലിയ ഇറക്കവും കയറ്റവും, മിനുസം, അമിതവേഗം തുടങ്ങിയവ അപകടകാരണം

∙ വീതി കൂട്ടിയെങ്കിലും റോഡിന്റെ ഗ്രിപ്പ് ഉറപ്പാക്കാൻ പരിപാലനമില്ല.

∙ സേലം – കൊച്ചി ദേശീയപാതയിൽ വടക്കഞ്ചേരി അഞ്ചുമൂർത്തിമംഗലം

∙ 5 വർഷത്തിനിടെ 31 അപകടങ്ങളിലായി 12 പേർ മരിച്ചു. 49 പേർക്കു പരുക്കേറ്റു.

∙ റോഡ് നിരപ്പിലെ വ്യത്യാസം, വെളിച്ചക്കുറവ്, മുന്നറിയിപ്പു ബോർഡുകൾ ഇല്ലാത്തത് തുടങ്ങിയവ അപകടകാരണം.

മലപ്പുറം

∙ കോഴിക്കോട് – പാലക്കാട് ദേശീയപാതയിൽ വള്ളുവമ്പ്രം അത്താണിക്കൽ പള്ളിപ്പടി

∙ ഈ വർഷം 26 അപകടം, 2 മരണം

∙ അമിത വേഗം, അശ്രദ്ധ, വാഹനങ്ങളുടെ തിരക്ക് എന്നിവ അപകടകാരണം

കോഴിക്കോട്

∙ മീഞ്ചന്ത – രാമനാട്ടുകര സംസ്ഥാനപാതയിൽ കുണ്ടായിത്തോട്.

∙ ഇക്കൊല്ലം 5 മരണം

വയനാട്

∙ കോഴിക്കോട് – കൊല്ലഗൽ ദേശീയപാത 766ൽ മുട്ടിൽ – വാര്യാട് മേഖല

∙ ഈ വർഷം 5 അപകടം, ഒരു മരണം

∙ അപകടകാരണം അമിതവേഗം

∙ സ്പീഡ് ബ്രേക്കർ സ്ഥാപിച്ചു

കണ്ണൂർ

∙ തലശ്ശേരി – മാഹി ബൈപാസിലെ ഈസ്റ്റ് പള്ളൂർ സിഗ്നൽ ജംക്‌ഷൻ

∙ 6 മാസത്തിനിടെ പത്തോളം അപകടങ്ങൾ, 3 മരണം

∙ ജൂൺ മുതൽ രാത്രി 10നും രാവിലെ 6നും ഇടയിൽ സിഗ്നൽ ജംക്‌ഷനിലെ പെരിങ്ങാടി – ചൊക്ലി റോഡ് അടച്ചിടാൻ തുടങ്ങിയതോടെ അപകടങ്ങൾ കുറഞ്ഞു. അടിപ്പാത നിർമിക്കാനും തീരുമാനം.

കാസർകോട്

∙ ചെർക്കള – ജാൽസൂർ സംസ്ഥാനാന്തര പാതയിലെ കോട്ടൂർ വളവ്

∙ ഒരുവർഷത്തിനിടെ 15 അപകടം, 4 മരണം

∙ അപകടകാരണം വളവോടു കൂടിയ ഇറക്കം

∙ വളവിന്റെ വീതി കൂട്ടാനും അലൈൻമെന്റിൽ മാറ്റം വരുത്താനും റിപ്പോർട്ട് സമർപ്പിച്ചു