മാനഭംഗക്കേസ് അട്ടിമറിക്കാൻ ശ്രമം; സ്ഥലം മാറ്റത്തിനെതിരെ മുഖ്യമന്ത്രിക്ക് കന്യാസ്ത്രീകളുടെ കത്ത്

കോട്ടയം∙ ബിഷപ് ഫ്രാങ്കോ മുളയ്ക്കലിനെതിരായ മാനഭംഗക്കേസ് അട്ടിമറിക്കാന്‍ നിരന്തര ശ്രമം നടക്കുന്നുവെന്നു ചൂണ്ടിക്കാട്ടി കുറവിലങ്ങാട് നാടുകുന്ന് സെന്റ് ഫ്രാൻസിസ് മിഷൻ ഹോമിലെ 4 കന്യാസ്ത്രീകള്‍ മുഖ്യമന്ത്രി പിണറായി വിജയനു കത്തു നൽകി. സ്ഥലംമാറ്റം തടയാൻ മുഖ്യമന്ത്രി ഇടപെടണം, കേസിന്റെ കാലാവധി തീരുംവരെ കുറവിലങ്ങാട്ട് തുടരാൻ അനുവദിക്കണം തുടങ്ങിയ ആവശ്യങ്ങൾ കത്തിലുണ്ട്. സാക്ഷികളായ തങ്ങൾക്കു നിരന്തര ഭീഷണിയുണ്ടെന്നും കന്യാസ്ത്രീകള്‍ മുഖ്യമന്ത്രിയെ അറിയിച്ചു.